Visit:
Singer Rohith | ప్రస్తుతం సంగీత ప్రపంచంలో సింగర్ PVNS రోహిత్ పేరు మార్మోగుతోంది. ఇటీవల విడుదలైన 71వ జాతీయ సినీ పురస్కారాల్లో, ‘బేబీ’ సినిమాలోని ‘ప్రేమిస్తున్నా..’ పాటకు బెస్ట్ మేల్ ప్లేబ్యాక్ సింగర్ అవార్డును రోహిత్ గెలుచుకుని దేశవ్యాప్తంగా ప్రశంసలు అందుకున్న సంగతి తెలిసిందే. ఈ సంతోషకర సందర్భంలో మరో శుభవార్త రోహిత్ అభిమానులను ఖుషీ చేసింది. తాజాగా రోహిత్ తన ప్రేమికురాలు డాక్టర్ శ్రేయతో నిశ్చితార్థం చేసుకున్నాడు. ఈ విషయాన్ని రోహిత్ తన సోషల్ మీడియా ద్వారా అధికారికంగా వెల్లడించాడు. ‘‘నా లక్కీ గర్ల్‌ను నిశ్చితార్థం చేసుకున్నాను’’ అంటూ శ్రేయతో కలిసి దిగిన ఓ అందమైన ఫోటోను పంచుకున్నాడు.
ఈ పోస్టు సోషల్ మీడియాలో వైరల్ అవుతోంది. సినీ ప్రముఖుల నుంచి, సంగీత ప్రముఖులు, అభిమానులు వరుసగా శుభాకాంక్షలు తెలుపుతున్నారు. అవార్డు గెలుచుకున్న రోహిత్, ఇప్పుడు జీవిత భాగస్వామి ఎంపికలో కూడా విజయం సాధించాడు అంటూ కామెంట్లు చేస్తున్నారు.రోహిత్ కెరీర్ గురించి చూస్తే.. తెలుగు సంగీత రంగంలో నిలకడగా ఎదుగుతున్న యువ గాయకుడు ఎన్నో హిట్‌ పాటలతో తన ప్రత్యేకత చాటుకున్నాడు.’ప్రేమిస్తున్నా..’ పాట ద్వారా దేశవ్యాప్తంగా గుర్తింపు పొందాడు
రోహిత్ నిశ్చితార్థంపై సినీ ప్రముఖులు స్పందిస్తూ.. డబుల్ కంగ్రాట్స్! లైఫ్‌లో కొత్త ఛాప్టర్‌కు ఆల్ ద బెస్ట్ అంటూ థ‌మ‌న్ కామెంట్ చేశారు. నీ గొంతు ఎంత హార్ట్‌టచింగ్‌గా ఉంటుందో, నీ లవ్ స్టోరీ కూడా అంతే అందంగా ఉండాలి అని సిద్ శ్రీరామ్ కామెంట్ చేశాడు. ఇక బేబీ సినిమా ప్రేమ పాట రియల్ లైఫ్ ప్రేమకథగా మారినందుకు ఆనందంగా ఉంది అని డైరెక్ట‌ర్ అనుదీప్ అన్నాడు. సింగర్ గీతా మాధురి కూడా రోహిత్‌కి శుభాకాంక్షలు తెలియ‌జేసింది. ఇక ఈ కొత్త జంట త్వరలోనే పెళ్లిపై పూర్తి సమాచారం వెల్లడించనున్నారు. 2025లో సంగీత పరిశ్రమలో ఉత్తమ పురస్కారం గెలిచిన గాయకుడు వ్యక్తిగత జీవితంలోనూ శుభారంభం చేస్తే, అంతకంటే ముచ్చటైన విషయం మరేముంటుంది అని అంటున్నారు.
