రాబిన్‌హుడ్‌ అందరి మనసుల్నీ దోచేస్తాడు

‘చలో’తో తొలి హిట్‌ అందుకున్న దర్శకుడు వెంకీ కుడుముల.. ‘భీష్మ’ సినిమా విజయంతో ద్వితీయ విఘ్నాన్ని కూడా అధిగమించేశాడు. రాబోతున్న ‘రాబిన్‌ హుడ్‌' విజయాన్ని సాధిస్తే, హ్యాట్రిక్‌ దర్శకుడిగా అవతరిస్తారాయన. నితిన్‌, శ్రీలీల జంటగా మైత్రీమూవీమేకర్స్‌ నిర్మించిన ఈ చిత్రం ఈనెల 28న విడుదల కానుంది.

‘చలో’తో తొలి హిట్‌ అందుకున్న దర్శకుడు వెంకీ కుడుముల.. ‘భీష్మ’ సినిమా విజయంతో ద్వితీయ విఘ్నాన్ని కూడా అధిగమించేశాడు. రాబోతున్న ‘రాబిన్‌ హుడ్‌’ విజయాన్ని సాధిస్తే, హ్యాట్రిక్‌ దర్శకుడిగా అవతరిస్తారాయన. నితిన్‌, శ్రీలీల జంటగా మైత్రీమూవీమేకర్స్‌ నిర్మించిన ఈ చిత్రం ఈనెల 28న విడుదల కానుంది. ఈ సందర్భంగా సోమవారం హైదరాబాద్‌లో విలేకరులతో ప్రత్యేకంగా ముచ్చటించారు వెంకీ కుడుముల.

• ‘భీష్మ’ తర్వాత చిరంజీవిగారితో సినిమా చేయాలి. కానీ కుదర్లేదు. అనుకోకుండా మళ్లీ నితిన్‌ అన్నతోనే సెట్‌ అయ్యింది. ‘రాబిన్‌హుడ్‌8 ఐడియా నా దగ్గర ఎప్పట్నుంచో ఉంది. అయితే.. నితిన్‌ ఫిక్స్‌ అయ్యాక ఆయనకు తగ్గట్టు మలిచాను. ‘అ ఆ’ సినిమాకు నేను అసోసియేట్‌ డైరెక్టర్‌ని. అప్పట్నుంచీ నితిన్‌ అన్నతో బంధం ఉంది. ఆయనతో జర్నీ కంఫర్ట్‌బుల్‌గా ఉంటుంది.
• ‘రాబిన్‌హుడ్‌’లో హీరో మాన్యుపులేటర్‌. ఫిజికల్‌ స్ట్రెంత్‌ కంటే మెంటల్‌ స్ట్రెంత్‌ని నమ్మే పర్సన్‌. ఆ కేరక్టర్‌ ఇంట్రడక్షన్‌ అదిరిపోతుంది. సినిమాలోని తొలి 20 నిమిషాలు రకరకాల గెటప్పుల్లో అలరిస్తారు నితిన్‌. కథ కూడా వైవిధ్యంగా ఉంటుంది. నితిన్‌ కెరీర్‌లో, నా కెరీర్‌లో బెస్ట్‌ మూవీ అవుతుందని నా నమ్మకం. డేవిడ్‌ వార్నర్‌ ఈ సినిమాలో భాగం కావడం సినిమాకు ప్లస్‌ అయ్యింది. ఇందులో ఆయన క్యామియో రోల్‌ చేశారు. ఆ రోల్‌ని ఇంటర్నేషనల్‌ స్టార్‌ చేస్తేనే బావుంటుందని అనుకున్నా. మీటింగ్‌లో డేవిడ్‌ వార్నర్‌ పేరు సూచించా. సాధ్యం కాదనుకున్నా. కానీ నిర్మాతల ప్రయత్నం వల్ల అది సాధ్యమైంది. ఢిల్లీలో కలిసి కథ వినిపించా. ఆయన ఆనందంగా ఒప్పుకున్నారు.
• టాలెంట్‌ ఉండటం వేరు.. టాలెంట్‌ ఉందని ఊహించడం వేరు. ఇందులో శ్రీలీల పాత్ర రెండో టైప్‌. తాను వెరీ ఇంటలెక్చువల్‌ అనుకునే అమ్మాయి అనమాట. చాలా ఫన్నీగా ఉంటుంది ఆమె క్యారెక్టర్‌. అలాగే రాజేంద్రప్రసాద్‌గారిది ఇందులో ఇంపార్టెంట్‌ రోల్‌. సెక్యూరిటీ ఏజెన్సీ నడుపుకునే ఆయన్ను హీరో మాన్యుపులేట్‌ చేసి ఓ సీరియస్‌ ప్రపంచంలోకి తీసుకెళ్తాడు. అందులో ఆయన అమాయకంగా ఇరుక్కుంటాడు. ఆ పాత్ర రాస్తున్నప్పుడు ఆయనే నా ఊహల్లో మెదిలారు.
• కథ అనేది ఓకే అయ్యాక మైత్రీ వాళ్లు ఇక ఖర్చు గురించి ఆలోచించరు. వారి సపోర్ట్‌ వల్లే ఇంత భారీగా సినిమా చేయలిగాను. జీవీ ప్రకాష్‌కుమార్‌ సంగీతం, రామ్‌లక్ష్మణ్‌, విక్రమ్‌ మోర్‌, రియల్‌ సతీష్‌, రవి వర్మన్‌లు డిజైన్‌ చేసిన యాక్షన్‌ ఎపిసోడ్స్‌ సినిమాకు హైలైట్‌గా నిలుస్తాయి. తప్పకుండా అన్ని వర్గాల మనసుల్నీ మా రాబిన్‌హుడ్‌ దోచేస్తాడు.