RC 15: గ్రాండ్‌గా లాంచ్ అయిన రామ్ చ‌రణ్‌-శంక‌ర్ మూవీ.. గెస్ట్‌లుగా చిరు,రాజ‌మౌళి,ర‌ణ్‌వీర్

రాజ‌మౌళి ద‌ర్శ‌క‌త్వంలో రూపొందుతున్న ఆర్ఆర్ఆర్ సినిమాతో ఇన్నేళ్లు బిజీగా ఉన్న రామ్ చ‌రణ్ రీసెంట్‌గా చిత్ర షూటింగ్ పూర్తి చేశాడు.ఇక ఇప్పుడు ద‌ర్శ‌క ద‌గ్గ‌జం శంక‌ర్ ద‌ర్శ‌క‌త్వంలో తెర‌కెక్క‌నున్న పాన్ ఇండియా సినిమా కోసం ప‌ని చేయ‌నున్నాడు. తాజాగా ఈ సినిమాకి సంబంధించిన లాంచింగ్ కార్య‌క్ర‌మం ఘ‌నంగా జ‌రిగింది.

మెగాస్టార్ చిరంజీవి,ద‌ర్శ‌క ధీరుడు రాజ‌మౌళి, బాలీవుడ్ స్టార్ హీరో ర‌ణ్‌వీర్ సింగ్ ఈ లాంచింగ్ కార్య‌క్ర‌మానికి ముఖ్య అతిథులుగా హాజ‌ర‌య్యారు. చిరంజీవి క్లాప్ కొట్ట‌గా, రాజ‌మౌళి కెమెరా స్విచ్ ఆన్ చేశారు. చిత్ర బృందం అంతా క‌లిసి ఫొటోలు దిగ‌గా ఆ పిక్స్ వైర‌ల్‌గా మారాయి. మ‌రి కొద్ది రోజుల‌లోనే ఈ చిత్ర షూటింగ్ మొద‌లు కానుంది.

అంత‌క‌ముందు సినిమా టీం పోస్ట‌ర్ విడుద‌ల చేయ‌గా, అందులో సినిమా టీమ్ అంతా బ్లాక్ సూట్‌లు ధరించి చేతిలో ఫైల్స్ , బ్యాగ్‌లతో కనిపిస్తున్నారు. ఈ పోస్టర్లో సినిమాలో నటించే నటీనటులతోపాటు దర్శకుడు శంకర్ అలాగే నిర్మాత దిల్ రాజు కూడా ఉన్నారు. అలాగే ఈ సినిమాలో హీరోయిన్ అంజలి, సునీల్, జై రామ్ క‌నిపించారు. ఈ చిత్రం రామ్ చ‌ర‌ణ్‌కి 15వ మూవీ కాగా, ఇందులో చరణ్‌కు జోడీగా కియారా అద్వానీ నటిస్తుంది. ఇది దిల్ రాజు బ్యానర్‌కు 50 సినిమా కావడం విశేషం. అత్యంత భారీ బడ్జెట్‌తో ఈ సినిమా తెరకెక్కనుంది.