Irumudi Kattu | ‘ఇరుముడి కట్టు’.. రవితేజ-శివ నిర్వాణ ‘ఇరుముడి’ నుంచి ఫ‌స్ట్ సింగిల్ అప్‌డేట్

Irumudi Kattu | మాస్ మహారాజా రవితేజ కథానాయకుడిగా టాలెంటెడ్ డైరెక్టర్ శివ నిర్వాణ దర్శకత్వంలో తెరకెక్కుతున్న డివోషనల్ డ్రామా “ఇరుముడి”.

Irumudi Kattu | మాస్ మహారాజా రవితేజ కథానాయకుడిగా టాలెంటెడ్ డైరెక్టర్ శివ నిర్వాణ దర్శకత్వంలో తెరకెక్కుతున్న డివోషనల్ డ్రామా ‘ఇరుముడి’. మైత్రీ మూవీ మేకర్స్, టి-సిరీస్ సంయుక్తంగా ప్రతిష్టాత్మకంగా నిర్మిస్తున్న ఈ చిత్రానికి సంబంధించిన క్రేజీ అప్‌డేట్‌ను చిత్ర బృందం ప్రకటించింది.

ఈ సినిమా నుంచి మొదటి పాట “ఇరుముడి కట్టు” పాట‌ను జూన్ 29వ తేదీన ఉదయం 11:07 గంటలకు విడుదల చేయ‌బోతున్న‌ట్లు ప్ర‌క‌టించింది. జి.వి. ప్రకాష్ కుమార్ సంగీతం అందిస్తున్న ఈ చిత్రాన్ని 2026 ఆగస్ట్ 21న ప్రపంచవ్యాప్తంగా గ్రాండ్‌గా విడుదల చేయనున్నారు. రవితేజ సరసన ప్రియా భవానీ శంకర్ కథానాయికగా నటిస్తుండగా, సాయి కుమార్, బేబీ నక్షత్ర, విష్ణు శర్మ కీలక పాత్రల్లో కనిపించనున్నారు. ఈ సినిమాలో రవితేజ సరికొత్త డివోషనల్ లుక్‌లో కనిపించనున్నారు. ఒక తండ్రి, కూతురి మధ్య ఉండే ఎమోషనల్ బాండింగ్, అయ్యప్ప స్వామి మాల ధారణ ద్వారా ఒక వ్యక్తి జీవితంలో వచ్చే ఆధ్యాత్మిక మార్పుల చుట్టూ ఈ కథ తిరగనుంది. రవితేజ కెరీర్‌లోనే ఇదొక విభిన్నమైన చిత్రంగా నిలవబోతోంది.

A celebration of devotion ✨#Irumudi first single #IrumudiKattu out on 29th June at 11.07 AM 🎼❤‍🔥#IRUMUDI in cinemas from 𝗔𝘂𝗴𝘂𝘀𝘁 𝟮𝟭𝘀𝘁, 𝟮𝟬𝟮𝟲 ❤‍🔥#IRUMUDI / #IRUMUDIKATTU

Starring MASS MAHARAJA @RaviTeja_offl

A @ShivaNirvana film 🎬

A @gvprakash musical… pic.twitter.com/azHgm9LpOM

— Mythri Movie Makers (@MythriOfficial) June 27, 2026