క్రైమ్‌ కామెడీ ‘తులాభారం’

రవితేజ కథానాయకుడిగా నటిస్తున్న క్రైమ్‌ యాక్షన్‌ కామెడీ ‘తులాభారం’ ఇటీవలే లాంఛనంగా ప్రారంభమైన విషయం తెలిసిందే. వివేక్‌ ఆత్రేయ దర్శకత్వం వహిస్తున్న ఈ చిత్రాన్ని బ్రిడ్జ్‌ ప్రొడక్షన్స్‌ పతాకంపై లక్ష్మణ్‌, శ్రీనివాస రావు నిర్మిస్తున్నారు.

రవితేజ కథానాయకుడిగా నటిస్తున్న క్రైమ్‌ యాక్షన్‌ కామెడీ ‘తులాభారం’ ఇటీవలే లాంఛనంగా ప్రారంభమైన విషయం తెలిసిందే. వివేక్‌ ఆత్రేయ దర్శకత్వం వహిస్తున్న ఈ చిత్రాన్ని బ్రిడ్జ్‌ ప్రొడక్షన్స్‌ పతాకంపై లక్ష్మణ్‌, శ్రీనివాస రావు నిర్మిస్తున్నారు. తాజాగా ఈ సినిమా రెగ్యులర్‌ షూట్‌లో రవితేజ జాయిన్‌ అయ్యారు. ప్రధాన తారాగణం పాల్గొనగా కీలక సన్నివేశాలను తెరకెక్కిస్తున్నామని, రవితేజ కెరీర్‌లో మరో వైవిధ్యమైన చిత్రంగా నిలుస్తుందని మేకర్స్‌ తెలిపారు.

ఇటీవల విడుదల చేసిన ‘ది టైటిల్‌ డాక్యుమెంటరీ’ వీడియోకు అద్భుతమైన స్పందన లభించిందని, రవితేజను సరికొత్త పంథాలో ఆవిష్కరించే చిత్రమిదని దర్శకుడు తెలిపారు. తరుణ్‌భాస్కర్‌, ప్రియాంకమోహన్‌, అనస్వర రాజన్‌, జేడీ చక్రవర్తి తదితరులు నటిస్తున్న ఈ చిత్రానికి సంగీతం: వివేక్‌సాగర్‌, రచన-దర్శకత్వం: వివేక్‌ ఆత్రేయ.