Visit:
Ravi Teja | టాలీవుడ్ మాస్ మహారాజా రవితేజ క్రేజ్ గురించి ప్రత్యేకంగా చెప్పాల్సిన అవసరం లేదు. ఆయన స్క్రీన్పై కనిపిస్తే చాలు అభిమానుల్లో పూనకాలు మొదలవుతాయి. అలాంటి రవితేజ గురించి తాజాగా ఓ స్టార్ హీరోయిన్ స్టేజ్పై నిలబడి చేసిన కామెంట్ ఇప్పుడు సోషల్ మీడియాలో హాట్ టాపిక్గా మారింది. “రవితేజ నా భర్త” అంటూ ఆమె చేసిన కామెంట్స్ విని అక్కడ ఉన్నవాళ్లంతా ఒక్కసారిగా షాక్ అయ్యారు. అంతే కాదు, ఈ మాటలు నెట్టింట వైరల్ కావడంతో అసలు విషయం ఏంటని నెటిజన్లు ఆరా తీసే పనిలో పడ్డారు. అయితే ఈ వ్యవహారంలో ఓ చిన్న ట్విస్ట్ ఉంది. రవితేజను తన భర్తగా పేర్కొన్నది మరెవరో కాదు.. ‘ఖిలాడి’ సినిమాతో తెలుగు ప్రేక్షకులకు దగ్గరైన డింపుల్ హయాతి.
రవితేజ హీరోగా నటిస్తున్న తాజా చిత్రం ‘భర్త మహాశయులకు విజ్ఞప్తి’ ప్రెస్ మీట్ ఇటీవల ఘనంగా జరిగింది. ఈ కార్యక్రమంలో తన పాత్ర గురించి మాట్లాడిన డింపుల్, సరదాగా “ఈ సినిమాలో రవితేజ గారు నా భర్త” అంటూ చెప్పడంతో ఒక్కసారిగా సందడి నెలకొంది. అనంతరం ఇది సినిమా పాత్రకు సంబంధించిన వ్యాఖ్యేనని ఆమె క్లారిటీ ఇవ్వడంతో అందరూ నవ్వుకున్నారు.ఈ సందర్భంగా డింపుల్ హయాతి రవితేజపై ప్రశంసల జల్లు కురిపించింది. గతంలో ‘ఖిలాడి’ సినిమాలో ఆయనతో కలిసి నటించిన అనుభవాన్ని గుర్తు చేసుకున్న డింపుల్, మళ్లీ అదే హీరోతో జోడీ కట్టడం చాలా ఆనందంగా ఉందని తెలిపింది. రవితేజతో కలిసి పనిచేయడం అంటే సెట్లో ఎనర్జీ లెవల్స్ ఎప్పుడూ హైలో ఉంటాయని, ఆయన టైమింగ్, డెడికేషన్ తనను ఎంతో ఇన్స్పైర్ చేస్తాయని చెప్పుకొచ్చింది.
ఇక ‘భర్త మహాశయులకు విజ్ఞప్తి’ సినిమా విషయానికి వస్తే.. ఇది పూర్తిగా అవుట్ అండ్ అవుట్ ఫ్యామిలీ ఎంటర్టైనర్గా తెరకెక్కుతోంది. భార్యాభర్తల మధ్య జరిగే చిన్న చిన్న గొడవలు, సరదా సన్నివేశాలు, భావోద్వేగాల్ని దర్శకుడు హృద్యంగా చూపించబోతున్నారని టాక్. రవితేజ మార్క్ కామెడీ టైమింగ్కు డింపుల్ హయాతి గ్లామర్ జతకావడంతో సినిమాపై అంచనాలు మరింత పెరిగాయి. మొత్తానికి “రవితేజ నా భర్త” అంటూ డింపుల్ హయాతి చేసిన వ్యాఖ్యలు పూర్తిగా సినిమా ప్రమోషన్లలో భాగమే అని తేలిపోయింది. అయితే ఈ ఒక్క డైలాగ్తో సినిమాకు కావాల్సిన బజ్ మాత్రం ఫుల్గా వచ్చేసింది. రవితేజ మాస్ ఇమేజ్, డింపుల్ అందం కలిసి తెరకెక్కిన ఈ ఫ్యామిలీ డ్రామా బాక్సాఫీస్ వద్ద ఎలాంటి మ్యాజిక్ చేస్తుందో చూడాల్సిందే.
