Visit:
Ravi Taja | టాలీవుడ్లో రవితేజ నటించిన ‘టైగర్ నాగేశ్వరరావు’ సినిమాతో ప్రేక్షకులకు పరిచయమైన నటి నుపుర్ సనన్ ఇప్పుడు తన వ్యక్తిగత జీవితంతో వార్తల్లో నిలుస్తోంది. ఆ చిత్రంలో గ్లామర్తో ఆకట్టుకున్నప్పటికీ, సినిమా ఆశించిన స్థాయిలో విజయం సాధించకపోవడంతో తెలుగులో ఆమెకు పెద్దగా అవకాశాలు రాలేదు. ప్రస్తుతం నుపుర్ బాలీవుడ్లో కొన్ని ప్రాజెక్టులతో బిజీగా ఉంటూ, నెమ్మదిగా తన కెరీర్ను కొనసాగిస్తోంది. ముఖ్యంగా ఆమె ప్రముఖ హీరోయిన్ కృతి సనన్ సోదరిగా మరింత గుర్తింపు పొందింది. నుపుర్ తాజాగా తన జీవితంలో కీలకమైన అడుగు వేసింది. సోషల్ మీడియా వేదికగా ఆమె షేర్ చేసిన కొన్ని ఫోటోలు అభిమానుల దృష్టిని ఆకర్షించాయి.
ఆ ఫోటోలలో నుపుర్ ఎంగేజ్మెంట్ రింగుతో కనిపించగా, సినీ ప్రముఖులు, అభిమానులు పెద్ద ఎత్తున శుభాకాంక్షలు తెలియజేస్తున్నారు. ఈ ఫోటోలకు ఆమె పెట్టిన క్యాప్షన్ కూడా ప్రత్యేక ఆకర్షణగా మారింది. “అనిశ్చితులతో నిండిన ఈ ప్రపంచంలో, నా ఆత్మసఖుడిని కనుగొన్నాను” అని భావోద్వేగంగా రాసుకొచ్చింది. సమాచారం ప్రకారం, నుపుర్ గత మూడేళ్లుగా ప్రముఖ సింగర్ స్టేబిన్ బిన్తో ప్రేమలో ఉంది. ఇప్పటివరకు ప్రైవేట్గా కొనసాగిన ఈ బంధం ఇప్పుడు అధికారికంగా తదుపరి దశకు చేరుకున్నట్లు తెలుస్తోంది. ఇటీవల సన్నిహితుల మధ్య జరిగిన ఎంగేజ్మెంట్ కార్యక్రమంతో తమ ప్రేమను పెళ్లిగా మలచుకునేందుకు ఈ జంట సిద్ధమైంది.
ఇక పెళ్లి విషయానికి వస్తే, జనవరి 11న రాజస్థాన్లోని ఉదయపూర్లో కుటుంబ సభ్యులు, సన్నిహితుల సమక్షంలో వివాహం జరగనున్నట్లు టాక్ వినిపిస్తోంది. వివాహానంతరం ముంబైలో భారీ స్థాయిలో రిసెప్షన్ ఏర్పాటు చేయాలనే ఆలోచనలో కుటుంబ సభ్యులు ఉన్నారని సమాచారం. అయితే దీనిపై ఇంకా అధికారిక ప్రకటన రావాల్సి ఉంది. నుపుర్ సనన్ లేదా కృతి సనన్ నుంచి క్లారిటీ వచ్చే వరకు అభిమానులు ఆసక్తిగా ఎదురుచూస్తున్నారు. ఇదిలా ఉండగా, ఈ జంటకు సంబంధించిన ఫోటోలు ప్రస్తుతం సోషల్ మీడియాలో వైరల్గా మారి, హాట్ టాపిక్గా నిలుస్తున్నాయి.
