Ravi Bishnoi | ఆ ఒక్క ఓవరే భారత్‌ను ముంచేసింది.. బిష్ణోయ్ చెత్త రికార్డు, ఇంగ్లాండ్‌కు సునాయాస విజయం!

Ravi Bishnoi | మాంచెస్టర్‌లోని ఓల్డ్ ట్రాఫోర్డ్ వేదికగా జరిగిన రెండో టీ20లో భారత్ గెలుపు దిశగా దూసుకెళ్తున్నట్లు కనిపించినా, ఒకే ఒక్క ఓవర్ మ్యాచ్ ఫలితాన్నే తారుమారు చేసింది. లెగ్ స్పిన్నర్ రవి బిష్ణోయ్ వేసిన 17వ ఓవర్‌లో పరుగుల వరద పారడంతో భారత్ చేతుల్లో ఉన్న మ్యాచ్ ఒక్కసారిగా ఇంగ్లాండ్ వైపు వెళ్లిపోయింది.

Ravi Bishnoi | మాంచెస్టర్‌లోని ఓల్డ్ ట్రాఫోర్డ్ వేదికగా జరిగిన రెండో టీ20లో భారత్ గెలుపు దిశగా దూసుకెళ్తున్నట్లు కనిపించినా, ఒకే ఒక్క ఓవర్ మ్యాచ్ ఫలితాన్నే తారుమారు చేసింది. లెగ్ స్పిన్నర్ రవి బిష్ణోయ్ వేసిన 17వ ఓవర్‌లో పరుగుల వరద పారడంతో భారత్ చేతుల్లో ఉన్న మ్యాచ్ ఒక్కసారిగా ఇంగ్లాండ్ వైపు వెళ్లిపోయింది. చివరకు ఆతిథ్య జట్టు 4 వికెట్ల తేడాతో విజయం సాధించి మూడు మ్యాచ్‌ల సిరీస్‌లో 1-0 ఆధిక్యంలో నిలిచింది.వర్షం కారణంగా తొలి టీ20 రద్దు కావడంతో రెండో టీ20 మ్యాచ్ ఇరు జట్లకు అత్యంత కీలకంగా మారింది. టాస్ గెలిచి బ్యాటింగ్ చేసిన టీమిండియా నిర్ణీత 20 ఓవర్లలో 191 పరుగుల భారీ స్కోరు నమోదు చేసింది. ఈ లక్ష్యాన్ని ఛేదించేందుకు బరిలోకి దిగిన ఇంగ్లాండ్‌కు భారత బౌలర్లు తొలి దశలో గట్టి పోటీ ఇచ్చారు. కీలక సమయంలో వరుస వికెట్లు తీసి మ్యాచ్‌పై పట్టు సాధించినట్లు కనిపించారు.

ఇంగ్లాండ్ ఇన్నింగ్స్ 16 ఓవర్లు ముగిసే సరికి 5 వికెట్ల నష్టానికి 142 పరుగులు చేసింది. క్రీజులో జాకబ్ బెథెల్ 42 పరుగులతో నిలవగా, అతనికి సామ్ కర్రన్ అండగా ఉన్నాడు. అప్పటికి ఇంగ్లాండ్ విజయానికి చివరి నాలుగు ఓవర్లలో 49 పరుగులు అవసరమయ్యాయి. మ్యాచ్ పరిస్థితిని బట్టి చూస్తే భారత్‌కే గెలుపు అవకాశాలు ఎక్కువగా కనిపించాయి. ఈ కీలక సమయంలో కెప్టెన్ బంతిని రవి బిష్ణోయ్‌కు అప్పగించాడు. అయితే ఆ నిర్ణయం భారత్‌కు భారీ న‌ష్టం క‌లిగించింది. బిష్ణోయ్ తొలి బంతి వేసిన స‌మ‌యంలో వెనుక కాలు క్రీజును తాకడంతో అంపైర్ నోబాల్ ప్రకటించాడు. ఫ్రీహిట్‌ను జాకబ్ బెథెల్ సిక్సర్‌గా మలిచాడు. ఆ తర్వాత వేసిన బంతి డాట్ అయినప్పటికీ, అది కూడా మరోసారి నోబాల్‌గా తేలింది. మరో ఫ్రీహిట్ లభించగా, దాన్నీ బెథెల్ సిక్సర్‌గా బాదాడు. దీంతో బిష్ణోయ్ పూర్తిగా ఒత్తిడిలోకి వెళ్లిపోయాడు. మిగిలిన బంతుల్లో కూడా బెథెల్ ఒక ఫోర్, మరో సిక్స్‌తో చెలరేగి ఆ ఓవర్లోనే మొత్తం 29 పరుగులు రాబట్టాడు.

దీంతో ఒక్కసారిగా మ్యాచ్ ఇంగ్లాండ్ చేతుల్లోకి వెళ్లిపోయింది. చివరి మూడు ఓవర్లలో వారికి కేవలం 20 పరుగులు మాత్రమే అవసరమవడంతో లక్ష్యాన్ని 19 ఓవర్లకే ఛేదించి విజయాన్ని ఖాయం చేసుకున్నారుఇంగ్లాండ్ విజయంలో జాకబ్ బెథెల్ కీలక పాత్ర పోషించాడు. ఒత్తిడి సమయంలో అద్భుతమైన షాట్లతో భారత బౌలర్లపై ఎదురుదాడి చేసిన అతను 76 పరుగులతో అజేయంగా నిలిచి జట్టును విజయతీరాలకు చేర్చాడు. ముఖ్యంగా బిష్ణోయ్ వేసిన ఓవర్‌లో అతను ప్రదర్శించిన దూకుడు మ్యాచ్‌ను పూర్తిగా మలుపు తిప్పింది. ఈ మ్యాచ్‌లో రవి బిష్ణోయ్ అనవసరంగా రెండు నోబాల్స్ వేయడం భారత్‌కు తీవ్ర నష్టంగా మారింది. అదే సమయంలో ఆయన పేరిట ఓ చెత్త రికార్డు కూడా నమోదైంది. భారత టీ20 అంతర్జాతీయ క్రికెట్ చరిత్రలో ఒకే ఓవర్లో అత్యధిక పరుగులు ఇచ్చిన స్పిన్నర్‌గా బిష్ణోయ్ నిలిచాడు.

ఇంతకుముందు 2012లో న్యూజిలాండ్‌తో జరిగిన మ్యాచ్‌లో సురేష్ రైనా ఒక ఓవర్లో 26 పరుగులు ఇవ్వగా, ఇప్పుడు బిష్ణోయ్ 29 పరుగులు ఇచ్చి ఆ రికార్డును అధిగమించాడు. భారత్ తరఫున ఓవరాల్‌గా చూస్తే ఇది మూడో అత్యంత ఖరీదైన ఓవర్‌గా నిలిచింది. 2020లో శివమ్ దూబే ఒక ఓవర్లో 34 పరుగులు ఇవ్వగా, 2016లో స్టువర్ట్ బిన్నీ 32 పరుగులు సమర్పించాడు.