Rao Bahadur | ‘రావు బహదూర్’ ఓటీటీ పార్ట్‌నర్ ఫిక్స్.. సత్యదేవ్ సినిమా ఎక్కడ స్ట్రీమింగ్ కానుందంటే?

Rao Bahadur | వర్సటైల్ నటుడు సత్యదేవ్ ప్రధాన పాత్రలో నటించిన పీరియడ్ డ్రామా రావు బహదూర్ నేడు (జూలై 3) ప్రపంచవ్యాప్తంగా ప్రేక్షకుల ముందుకు వచ్చింది. విభిన్న కథలతో సినిమాలు తెరకెక్కించే దర్శకుడు వెంకటేష్ మహా రూపొందించిన ఈ చిత్రంపై విడుదలకు ముందే మంచి అంచనాలు నెలకొన్నాయి.

Rao Bahadur | వర్సటైల్ నటుడు సత్యదేవ్ ప్రధాన పాత్రలో నటించిన పీరియడ్ డ్రామా రావు బహదూర్ నేడు (జూలై 3) ప్రపంచవ్యాప్తంగా ప్రేక్షకుల ముందుకు వచ్చింది. విభిన్న కథలతో సినిమాలు తెరకెక్కించే దర్శకుడు వెంకటేష్ మహా రూపొందించిన ఈ చిత్రంపై విడుదలకు ముందే మంచి అంచనాలు నెలకొన్నాయి. ఇప్పుడు థియేట్రికల్ రిలీజ్‌తో పాటు సినిమా ఓటీటీ విడుదలకు సంబంధించిన సమాచారం కూడా ఆసక్తి రేపుతోంది. సినీ వర్గాల్లో వినిపిస్తున్న సమాచారం ప్రకారం, ‘రావు బహదూర్’ డిజిటల్ స్ట్రీమింగ్ హక్కులను ప్రముఖ ఓటీటీ సంస్థ నెట్‌ఫ్లిక్స్ భారీ మొత్తానికి సొంతం చేసుకున్నట్లు తెలుస్తోంది. సినిమా టైటిల్ కార్డులోనే డిజిటల్ పార్ట్‌నర్‌గా నెట్‌ఫ్లిక్స్ పేరు ప్రదర్శించడంతో ఈ విషయం దాదాపు ఖరారైనట్లే భావిస్తున్నారు.

అయితే, స్ట్రీమింగ్ తేదీపై ఇప్పటివరకు అధికారిక ప్రకటన వెలువడలేదు. ప్రస్తుతం వస్తున్న సమాచారం ప్రకారం, థియేటర్లలో విడుదలైన దాదాపు నెల రోజుల తర్వాత ఈ చిత్రం నెట్‌ఫ్లిక్స్‌లో అందుబాటులోకి వచ్చే అవకాశం ఉందని సినీ వర్గాలు చెబుతున్నాయి. ‘రావు బహదూర్’ను ఏ+ఎస్ మూవీస్, శ్రీచక్రాస్ ఎంటర్‌టైన్‌మెంట్స్ బ్యానర్లపై గోపాలకృష్ణ రెడ్డి, అనురాగ్ రెడ్డి, శరత్ చంద్ర సంయుక్తంగా నిర్మించారు.ఈ సినిమా నిర్మాణానికి సుమారు రూ.40 కోట్ల బడ్జెట్ వెచ్చించినట్లు సమాచారం. ముఖ్యంగా ఆర్ట్ డిపార్ట్‌మెంట్, మేకప్, కాస్ట్యూమ్స్, ప్రొడక్షన్ డిజైన్‌పై భారీగా ఖర్చు చేసినట్లు తెలుస్తోంది. దీంతో ఇది సత్యదేవ్ కెరీర్‌లోనే అత్యధిక వ్యయంతో రూపొందిన చిత్రంగా నిలిచింది.

వెంకటేష్ మహా దర్శకత్వంలో తెరకెక్కిన ఈ చిత్రం పీరియడ్ బ్యాక్‌డ్రాప్‌లో రూపొందింది. కథ, విజువల్ ప్రెజెంటేషన్, పాత్రల రూపకల్పనపై దర్శకుడు ప్రత్యేక శ్రద్ధ తీసుకున్నట్లు ప్రచార చిత్రాల ద్వారా ఇప్పటికే స్పష్టమైంది. సత్యదేవ్ కూడా తన పాత్ర కోసం ప్రత్యేక మేకోవర్‌తో కనిపించగా, సినిమా విజువల్ రిచ్‌గా రూపొందినట్లు ట్రైలర్‌లు సూచించాయి. థియేటర్లలో ప్రేక్షకుల స్పందన ఎలా ఉంటుందనే అంశంతో పాటు, ఓటీటీ విడుదల కోసం కూడా సినీ అభిమానులు ఆసక్తిగా ఎదురుచూస్తున్నారు. అధికారిక స్ట్రీమింగ్ తేదీని నెట్‌ఫ్లిక్స్ లేదా చిత్రబృందం ప్రకటించిన తర్వాత పూర్తి వివరాలు వెల్లడయ్యే అవకాశం ఉంది. ప్రస్తుతం మాత్రం ‘రావు బహదూర్’ థియేటర్లలో ప్రేక్షకుల ఆదరణ పొందడంపై అందరి దృష్టి నెలకొంది.