Vaarasudu Movie | రంజితమే వీడియో సాంగ్‌ వచ్చేసింది..!

ఎన్నో వివాదాల నడుమ సంక్రాంతి కానుకగా రిలీజైన 'వారసుడు' తమిళంలో లాక్కొచ్చినా.. తెలుగులో బ్రేక్ ఈవెన్‌ సాధించకుండానే దుకాణం సర్దేసింది. సినిమా రిజల్ట్‌ సంగతి పక్కన పెడితే ఈ మూవీలోని పాటలను మాత్రం ప్రేక్షకులు తెగ ఎంజాయ్‌ చేశారు.

Ranjithame Video Song | ఎన్నో వివాదాల నడుమ సంక్రాంతి కానుకగా రిలీజైన ‘వారసుడు’ తమిళంలో లాక్కొచ్చినా.. తెలుగులో బ్రేక్ ఈవెన్‌ సాధించకుండానే దుకాణం సర్దేసింది. పైగా పోటీగా నాన్‌-వెజ్‌ లాంటి ‘వీరసింహారెడ్డి’, ‘వాల్తేరు వీరయ్య’ సినిమాలుండటంతో తెలుగు ప్రేక్షకులు వారసుడు సినిమాను అంతగా పట్టించుకోలేదు. వంశీ పైడిపల్లి దర్శకత్వం వహించిన ఈ సినిమా తమిళ ప్రేక్షకులను ఆకట్టుకున్నా, తెలుగు ప్రేక్షకులను మాత్రం నిరాశపరిచింది. అయితే విజయ్‌కు తెలుగులో ఉన్న మార్కెట్‌ పరంగా చూసుకుంటే ఈ సినిమా రెండు,మూడు కోట్లు ఎక్కువే సాధించింది.

సినిమా రిజల్ట్‌ సంగతి పక్కన పెడితే ఈ మూవీలోని పాటలను మాత్రం ప్రేక్షకులు తెగ ఎంజాయ్‌ చేశారు. ముఖ్యంగా ‘రంజితమే’ సాంగ్‌కు ఈలలు, గోలలతో థియేటర్లు దద్దరిల్లిపోయాయి. థమన్‌ స్వర పరిచిన ఈ పాటకు ప్రేక్షకుల నుండి విశేష స్పందన వచ్చింది. కాగా తాజాగా ఈ పాట వీడియో సాంగ్‌ను మేకర్స్‌ రిలీజ్‌ చేశారు. విజయ్‌, రష్మిక ఊరమాస్‌ స్టెప్పులు మనల్ని కూడా కాళ్లు కదిపేలా చేస్తున్నాయి. తమిళంలో ఎమ్‌.ఎమ్‌.మానసితో కలిసి స్వయంగా విజయ్‌ ఆలపించిన ఈ పాటను తెలుగులో అనురాగ్‌ కులకర్ణి ఆలపించాడు.

ఫ్యామిలీ ఎంటర్‌టైనర్‌గా తెరకెక్కిన ఈ సినిమాలో రష్మిక హీరోయిన్‌గా నటించింది. శ్రీ వెంకటేశ్వరా క్రియేషన్స్‌ పతాకంపై దిల్‌రాజు, శిరీష్ అత్యంత భారీ బడ్జెట్‌తో ఈ సినిమాను నిర్మించాడు. నిజానికి ఈ సినిమా జనవరి 11నే తెలుగులో రిలీజ్‌ కావాల్సి ఉంది. కానీ పలు కారణాల వల్ల మూడు రోజులు వెనక్కి జరిగింది. అయితే ముందచ్చుంటే మాత్రం ఈ సినిమా రిజల్ట్‌ వేరేలా ఉండేది. ఇప్పటి వరకు టోటల్‌గా ఈ మూవీ రూ.200 కోట్లకు పైగా గ్రాస్‌ను కలెక్ట్‌ చేసింది.