రానా సరికొత్త ప్రయోగం.. సూపర్ హీరో కాన్సెప్ట్‌తో భారీ సినిమా

తెలుగు ఇండస్ట్రీలో ఎప్పటికప్పుడు కొత్త ప్రయోగాలు చేయడానికి రానా దగ్గుబాటి సిద్ధంగా ఉంటాడు. రొటీన్ కథలు చేయడం అంటే ఈయనకు అస్సలు నచ్చదు. అందుకే కాస్త విభిన్నంగా ఉండే కథల వైపు అడుగులు వేస్తూ ఉంటాడు రానా.

July 24, 2021 / 09:46 PM IST

రానా సరికొత్త ప్రయోగం.. సూపర్ హీరో కాన్సెప్ట్‌తో భారీ సినిమా

తెలుగు ఇండస్ట్రీలో ఎప్పటికప్పుడు కొత్త ప్రయోగాలు చేయడానికి రానా దగ్గుబాటి సిద్ధంగా ఉంటాడు. రొటీన్ కథలు చేయడం అంటే ఈయనకు అస్సలు నచ్చదు. అందుకే కాస్త విభిన్నంగా ఉండే కథల వైపు అడుగులు వేస్తూ ఉంటాడు రానా. మిగిలిన హీరోల మాదిరిగా తనకు ఆరు పాటలు, నాలుగు ఫైట్లు, మూడు కామెడీ సీన్లు కావాలి అని అడగడు. తన పాత్ర బాగుంటే చాలు.. అతిథి పాత్రలో కూడా నటించడానికి సిద్ధమే అంటాడు రానా దగ్గుబాటి. ప్రస్తుతం ఆయన నటించిన‌ విరాటపర్వం సినిమా విడుదలకు సిద్ధంగా ఉంది. దీంతో పాటు మరో రెండు మూడు సినిమాలకు కమిట్‌మెంట్ ఇచ్చాడు రానా.

అందులో పవన్ కళ్యాణ్ సినిమా కూడా ఉంది. మలయాళంలో బ్లాక్ బస్టర్ గా నిలిచిన అయ్యప్పనుమ్ కోషియుమ్ సినిమా రీమేక్‌లో పవన్‌తో పాటు నటిస్తున్నాడు రానా. దీంతో పాటు మరో రెండు సినిమాల్లో హీరోగా చేస్తున్నాడు. అయితే పవన్ సినిమా పూర్తయిన తర్వాత ఒక సూపర్ హీరో కాన్సెప్ట్‌తో సినిమా చేయబోతున్నట్లు అనౌన్స్ చేశాడు రానా. సాధారణంగా సూపర్ హీరోలు అంటే హాలీవుడ్ గుర్తుకొస్తుంది. హిందీలో కూడా హృతిక్ రోష‌న్ సూప‌ర్ హీరో కాన్సెప్ట్‌తో క్రిష్ చేశాడు. కానీ తెలుగులో ఆ స్థాయి సినిమా ఇప్పటివరకు రాలేదు.

న్టీఆర్ లాంటి హీరోలు సూపర్‌మ్యాన్ సినిమాలో నటించినా కూడా పెద్దగా వర్కవుట్ కాలేదు. అయితే ఇప్పుడు తెలుగు ఇండస్ట్రీ రేంజ్ పెరిగింది. ఎంత బడ్జెట్ అయినా పెట్టడానికి నిర్మాతలు సిద్ధంగా ఉన్నారు. ఈ క్రమంలోనే రానా దగ్గుబాటి ఒక సూపర్ హీరో సినిమా చేయబోతున్నాడు. దీనికోసం కథ కూడా సిద్ధం చేయిస్తున్నాడు. ఇది ఎక్కువ టైమ్ కూడా పట్టకపోవచ్చు. పవన్ సినిమా పూర్తయిన వెంటనే ఈ సూపర్ హీరో సినిమా చేస్తానని అంటున్నాడు రానా. ఇప్పటి వరకు తెలుగు ఇండస్ట్రీలోనే కాదు సౌత్‌లో ఎవరూ చేయని విధంగా ఈ సినిమా ఉండబోతోందని క్లారిటీ ఇచ్చాడు. దగ్గుబాటి వారసుడి అనౌన్స్‌మెంట్‌ తర్వాత దీనిపై అంచనాలు కూడా పెరిగిపోయాయి.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి