శ్రీనివాస మంగాపురం

సూపర్‌స్టార్‌ కృష్ణ మనవడు, దివంగత రమేశ్‌బాబు కుమారుడు జయకృష్ణ ఘట్టమనేని హీరోగా పరిచయం అవుతున్న చిత్రానికి ‘శ్రీనివాస మంగాపురం’ అనే టైటిల్‌ని ఖరారు చేశారు.

సూపర్‌స్టార్‌ కృష్ణ మనవడు, దివంగత రమేశ్‌బాబు కుమారుడు జయకృష్ణ ఘట్టమనేని హీరోగా పరిచయం అవుతున్న చిత్రానికి ‘శ్రీనివాస మంగాపురం’ అనే టైటిల్‌ని ఖరారు చేశారు. ఈ సందర్భంగా ప్రీ లుక్‌ పోస్టర్‌ని మేకర్స్‌ ఆవిష్కరించారు. ఈ పోస్టర్‌లో హీరోహీరోయిన్ల చేతులు ఒక గన్‌ పట్టుకుని ఉండటం విశేషం.. రొమాన్స్‌, యాక్షన్‌ మేళవింపుగా సినిమా ఉంటుందని పోస్టర్‌ చెబుతున్నది. తిరుమల ఆలయం, ప్రశాంతమైన శేషాచలం కొండలు ఈ పోస్టర్‌కు హైలైట్‌గా నిలిచాయి.

రెండు జీవితాలు ఒక ప్రయాణం.. రెండు చేతులు ఒక ప్రామిస్‌.. రెండు మనసులు ఒక విధి.. అనే పదాలు కథపై ఆసక్తిని రేకెత్తిస్తున్నాయి. రాషా తడాని కథానాయికగా నటిస్తున్న ఈ చిత్రం ప్రస్తుతం చిత్రీకరణ దశలో ఉంది. అజయ్‌ భూపతి దర్శకుడు. సి.కిరణ్‌ నిర్మాత. అగ్ర నిర్మాత సి.అశ్వనీదత్‌ సమర్పకుడు. ఈ చిత్రానికి సంగీతం: జి.వి.ప్రకాశ్‌కుమార్‌.