టాలీవుడ్ (Tollywood) ఎనర్జిటిక్ హీరో రామ్ పోతినేని (Ram Pothineni) నటిస్తోన్న తాజా చిత్రం ది వారియర్ (The Warriorr). లింగుస్వామి (Lingusamy) డైరెక్షన్లో వస్తున్న ఈ మూవీ తెలుగు, తమిళ భాషల్లో తెరకెక్కుతోంది. ఉప్పెన ఫేం కృతిశెట్టి హీరోయిన్గా నటిస్తోంది.
‘ఒక్కొక్కడికి పెడుతున్నాడు..కానీ ఒకటప్ప కొట్టిన వెంటనే పెయిన్ కిల్లర్ ట్యాబ్లెట్ ఇస్తాడు..అంటూ రామ్ గురించి ఇంట్రడ్యూస్ చేస్తూ వచ్చే సంభాషణలు సినిమాపై క్యూరియాసిటీని పెంచుతున్నాయి. డిప్యూటీ సూపరింటెండ్ ఆఫ్ పోలీస్ సత్య పోరీని నేను ‘ అంటూ కృతిశెట్టి చెబుతున్న డైలాగ్స్ థియేటర్లలో మాస్ ట్రీట్ను అందించేలా ఉన్నాయి. రామ్ పోలీసాఫీసర్ లుక్లో కొత్తగా కనిపిస్తూ ఫ్యాన్స్ కు విజువల్ ట్రీట్ అందించేందుకు రెడీ అవుతున్నట్టు టీజర్ తో చెప్పేశాడు డైరెక్టర్.
రామ్ ఈ చిత్రంతో కోలీవుడ్ ఎంట్రీ ఇస్తుండటం విశేషం. దేవీ శ్రీ ప్రసాద్ (Devi Sri Prasad) కంపోజిషన్లో కోలీవుడ్ హీరో శింబు (Simbu) పాడిన బుల్లెట్ సాంగ్ ఇప్పటికే నెట్టింటిని షేక్ చేస్తోంది. ఇక ది వారియర్లో కన్నడ భామ అక్షర గౌడ కీ రోల్ పోషిస్తోంది. పవన్ కుమార్ సమర్పణలో శ్రీనివాసా సిల్వర్ స్క్రీన్స్ బ్యానర్పై శ్రీనివాసా చిట్టూరి నిర్మిస్తున్నారు. ఆది పినిశెట్టి సిల్వర్ స్క్రీన్పై మరోసారి విలన్గా కనిపించబోతున్నాడు.