స్వయంవరం, ప్రేమించు, హనుమాన్ జంక్షన్, మిస్సమ్మ చిత్రాలతో మంచి ఫ్యాన్ ఫాలోయింగ్ సంపాదించుకుంది అలనాటి అందాల తార లయ (Laya). ఈ బ్యూటీ ప్రస్తుతం కాలిఫోర్నియాలో తన ఫ్యామిలీతో కలిసి సెటిలైంది. సినిమాల్లో కనిపించకపోయినా సోషల్ మీడియా ద్వారా ఆ లోటును తీరుస్తుంది లయ. ఎప్పటికపుడు ట్రెండీ పాటలతో నెట్టింట సందడి చేస్తుంటుంది.
తాజాగా సర్కారు వారి పాట నుంచి Every Penny songకు స్టైలిష్ స్టెప్పులేసి (Laya dancing video) అదరహో అనిపించింది. గతంలో తన ఫ్రెండ్స్ తో కలిసి డ్యాన్స్ చేసిన వీడియోలను ఇన్స్టాగ్రామ్లో పోస్ట్ చేసిన లయ..ఈ సారి కూతురితో కలిసి డ్యాన్స్ చేసింది. కర్లీ హెయిర్లో ఉన్న లయ, శ్లోక (Sloka) బ్లాక్ అండ్ వైట్ కాస్ట్యూమ్స్ లో స్లైలిష్ గా స్టెప్పులేసి..సితారను బీట్ చేశారు. తళ్లీకూతుళ్లు పెన్నీ పాటను రీక్రియేట్ చేసిన వీడియో ఇపుడు నెట్టింట్లో హల్ చల్ చేస్తోంది.
ఇద్దరిలో ఎవరు లయ, ఎవరు శ్లోక అని గుర్తు పట్టలేనంతగా పాటలో లీనమైపోయి డ్యాన్స్ చేశారు. లయ, శ్లోక డ్యాన్సింగ్ స్కిల్స్ పై నెటిజన్లు ప్రశంసలు కురిపిస్తూ..కామెంట్లు పెట్టారు. దీంతోపాటు రామ్-కృతిశెట్టి కాంబోలో వచ్చిన బుల్లెట్ సాంగ్కు కాలిఫోర్నియా వీధుల్లో ఫ్రెండ్తో కలిసి డ్యాన్స్ చేసిన వీడియో కూడా నెట్టింట్లో హల్ చల్ చస్తోంది.