ప్రాణమే ఆవిరైపోయింది

శివకందుకూరి, మేఘాఆకాష్‌, ప్రియా వడ్లమాని హీరోహీరోయిన్లుగా నటిస్తున్న చిత్రం ‘మను చరిత్ర’. భరత్‌ పెదగాని దర్శకుడు. కాజల్‌ అగర్వాల్‌ సమర్పణలో ఎన్‌.శ్రీనివాసరెడ్డి, రాన్‌సన్‌ జోసెఫ్‌ నిర్మిస్తున్నారు. ఈ చిత్రంలోని ‘హఠాత్తుగా గుండె పిండినట్లుందే..హఠాత్తుగా నా ప్రాణమే ఆవిరైపోయిందే’ అనే గీతాన్ని శుక్రవారం దర్శకుడు రామ్‌గోపాల్‌వర్మ విడుదలచేశారు. సిరాశ్రీ సాహిత్యాన్ని అందించిన ఈ పాటను రేవంత్‌ ఆలపించారు. గోపీసుందర్‌ స్వరకర్త. నిర్మాతలు మాట్లాడుతూ ‘వరంగల్‌ బ్యాక్‌డ్రాప్‌లో ఈ సినిమాను తెరకెక్కిస్తున్నాం. ప్రేమలో ఓడిపోయిన ఓ యువకుడి కథ ఇది. అతడి జీవితం ఎలాంటి మలుపులు తిరిగిందన్నది ఆకట్టుకుంటుంది’ అని తెలిపారు. ప్రగతి, సుహాస్‌, డాలీ ధనుంజయ్‌ ప్రధాన పాత్రల్లో నటిస్తున్న ఈ చిత్రానికి ఛాయాగ్రహణం: రాహుల్‌ శ్రీ వాత్సవ.