Game Changer | రా మచ్చా మచ్చా.. 28న గేమ్‌ చేంజర్‌ రెండో పాట ప్రోమో

రామ్‌చరణ్‌ తాజా చిత్రం ‘గేమ్‌ చేంజర్‌' క్రిస్మస్‌ సందర్భంగా విడుదలకు సిద్ధమవుతున్న విషయం తెలిసిందే. శంకర్‌ దర్శకత్వంలో దిల్‌రాజు, శిరీష్‌ నిర్మిస్తున్న ఈ పొలిటికల్‌ యాక్షన్‌ థ్రిల్లర్‌పై దేశవ్యాప్తంగా భారీ అంచనాలు నెలకొని ఉన్నాయి. సినిమా విడుదలకు ఇంకా మూడు నెలల సమయం ఉన్నా..

Game Changer | రామ్‌చరణ్‌ తాజా చిత్రం ‘గేమ్‌ చేంజర్‌’ క్రిస్మస్‌ సందర్భంగా విడుదలకు సిద్ధమవుతున్న విషయం తెలిసిందే. శంకర్‌ దర్శకత్వంలో దిల్‌రాజు, శిరీష్‌ నిర్మిస్తున్న ఈ పొలిటికల్‌ యాక్షన్‌ థ్రిల్లర్‌పై దేశవ్యాప్తంగా భారీ అంచనాలు నెలకొని ఉన్నాయి. సినిమా విడుదలకు ఇంకా మూడు నెలల సమయం ఉన్నా.. పాన్‌ ఇండియా ఫిల్మ్‌ కాబట్టి ఇప్పటి నుంచే ప్రచారపర్వాన్ని వేగవంతం చేయాలనే ఆలోచనలో మేకర్స్‌ ఉన్నారని తెలిసింది. ఇప్పటికే విడుదలైన తొలి గీతం ‘జరగండి జరగండి’ మంచి ఆదరణ దక్కించుకుంది.

ఈ నేపథ్యంలో ‘రా మచ్చా మచ్చా..’ అంటూ సాగే రెండో పాట ప్రోమోను ఈ నెల 28న విడుదల చేయబోతున్నట్లు చిత్ర బృందం పేర్కొంది. ఈ సందర్భంగా బుధవారం కొత్త పోస్టర్‌ను విడుదల చేశారు. తమన్‌ స్వరపరచిన చేసిన ఈ గీతాన్ని అనంత్‌ శ్రీరామ్‌ రచించారు. హుషారైన బీట్‌తో సాగే మాస్‌ పాట ఇదని చిత్ర బృందం పేర్కొంది. రాజకీయ, సామాజికాంశాలను చర్చిస్తూ తనదైన శైలి సందేశంతో దర్శకుడు శంకర్‌ ఈ చిత్రాన్ని తెరకెక్కిస్తున్నారు. కియారా అద్వాణీ, అంజలి, సముద్రఖని, ఎస్‌.జె.సూర్య, శ్రీకాంత్‌ తదితరులు నటిస్తున్న ఈ చిత్రానికి సంగీతం: తమన్‌, దర్శకత్వం: శంకర్‌.