Visit:
Ram Charan | మాస్ మహారాజా రవితేజ హీరోగా తెరకెక్కిన తాజా చిత్రం ‘ఇరుముడి’ విడుదలకు సిద్ధమవుతోంది. శివ నిర్వాణ దర్శకత్వంలో రూపొందుతున్న ఈ సినిమా ఆగస్టు 21న ప్రేక్షకుల ముందుకు రానుంది. ఇప్పటికే ప్రమోషనల్ కంటెంట్తో మంచి బజ్ క్రియేట్ చేసిన ఈ సినిమాపై అభిమానుల్లో భారీ అంచనాలు ఉన్నాయి. ఈ మధ్య ‘ఇరుముడి’లోని ‘మల్లెపూల పల్లకి’ పాట సోషల్ మీడియాలో బాగా ట్రెండ్ అవుతోంది. అయితే ఈ పాటకు సంబంధించి ఓ ఆసక్తికరమైన వార్త నెట్టింట వైరల్గా మారింది. మెగా పవర్ స్టార్ రామ్ చరణ్ ఈ పాటలో స్పెషల్ క్యామియో చేయబోతున్నారనే ప్రచారం ఒక్కసారిగా ఊపందుకుంది. రవితేజ, రామ్ చరణ్ ఇద్దరూ కలిసి ఒకే స్క్రీన్పై కనిపించబోతున్నారనే వార్త మెగా, మాస్ రాజా అభిమానుల్లో ఆసక్తిని పెంచింది.
ముఖ్యంగా ‘మల్లెపూల పల్లకి’ పాటలో చరణ్ ప్రత్యేకంగా కనిపించబోతున్నారనే ప్రచారం సోషల్ మీడియాలో వైరల్ కావడంతో అభిమానులు ఈ కాంబినేషన్ కోసం ఆసక్తిగా ఎదురుచూశారు. అయితే తాజాగా అందుతున్న సమాచారం ప్రకారం రామ్ చరణ్ ‘ఇరుముడి’లో ఎలాంటి క్యామియో చేయడం లేదని తెలుస్తోంది. ‘మల్లెపూల పల్లకి’ పాటలో ఆయన కనిపించనున్నారనే వార్తల్లో ఎలాంటి నిజం లేదని చిత్ర వర్గాల సమాచారం. రవితేజ, రామ్ చరణ్ కాంబినేషన్లో ఒక ప్రత్యేకమైన సాంగ్ ఉంటుందని భావించిన అభిమానులకు ఈ వార్త కొంత నిరాశ కలిగించే అంశంగా మారింది. ఇద్దరు హీరోలు ఒకే పాటలో కనిపిస్తే థియేటర్లలో భారీ రెస్పాన్స్ వచ్చే అవకాశం ఉండేదని ఫ్యాన్స్ సోషల్ మీడియాలో కామెంట్లు చేస్తున్నారు.
అయితే కేవలం ప్రచారాన్ని ఆధారంగా చేసుకుని క్యామియోపై అంచనాలు పెంచుకోవద్దని, సినిమాలో ఎవరు ఉన్నారనే విషయంపై అధికారిక సమాచారం వచ్చే వరకు వేచి చూడాలని పలువురు సూచిస్తున్నారు. మరోవైపు ‘ఇరుముడి’ సినిమాకు సంబంధించిన ప్రమోషన్స్ జోరుగా సాగుతున్నాయి. ఇప్పటికే విడుదలైన పాటలు, పోస్టర్లు, టీజర్ సినిమాపై ఆసక్తిని పెంచాయి. ముఖ్యంగా ‘మల్లెపూల పల్లకి’ పాటకు మంచి స్పందన రావడంతో సినిమాపై బజ్ మరింత పెరిగింది. ఈ చిత్రంలో ప్రియా భవానీ శంకర్, నక్షత్ర, సాయికుమార్, అజయ్ ఘోష్ తదితరులు కీలక పాత్రల్లో నటిస్తున్నారు. మైత్రీ మూవీ మేకర్స్ బ్యానర్పై ఈ సినిమాను నిర్మించారు. జి.వి. ప్రకాష్ కుమార్ సంగీతం అందించారు. ఆగస్టు 21న థియేటర్లలోకి రానున్న ఈ చిత్రం బాక్సాఫీస్ వద్ద ఎలాంటి ఫలితాన్ని అందుకుంటుందనేది ఆసక్తికరంగా మారింది.
