హైదరాబాద్: టాలీవుడ్ హీరో రామ్ చరణ్(Ram Charan) ప్రస్తుతం లాస్ ఏంజిల్స్లో ఉన్నారు. ఆదివారం జరిగే ఆస్కార్స్(Oscars) వేడుక కోసం అతను ప్రిపేరవుతున్నాడు. ఆర్ఆర్ఆర్(RRR) ఫిల్మ్ ఆ అవార్డ్స్ కోసం పోటీపడుతున్న విషయం తెలిసిందే. అయితే అత్యంత గ్రాండ్గా జరిగే ఆస్కార్స్ వేడుక వేళ.. తనకు ఇష్టమైన హాలీవుడ్ ఫిల్మ్ స్టార్స్తో రామ్ చరణ్ భేటీ కావాలనుకుంటున్నాడు.
Ram Charan from #RRR is "especially" excited to see Cate Blanchett and Tom Cruise this Oscars Sunday! pic.twitter.com/TRMxXp8Tax
— Entertainment Tonight (@etnow) March 8, 2023
ఆస్కార్స్ రెడ్కార్పెట్కు ఎలా వెళ్తానో తెలియదు కానీ.. ఆ మెగా ఈవెంట్కు హాజరుకావాలన్న ఉత్సాహం తనలో ఉన్నట్లు రామ్చరణ్ తెలిపారు. ఇక వేడుకల్లో ఎవర్ని కలవాలనుకుంటున్నట్లు అడిగిన ఓ ప్రశ్నకు రామ్ సమాధానం ఇచ్చారు. హాలీవుడ్ స్టార్స్ సినిమాలను చూస్తూ ఎదిగానని, అయితే నటి కేట్ బ్లాంకెట్, నటుడు టామ్ క్రూజ్(Tom Cruise)లను ఈ వేడుక వేళ ప్రత్యేకంగా కలవాలనుకుంటున్నట్లు రాంచరణ్ చెప్పాడు.
గత ఏడాది రిలీజైన టాప్గన్(Top Gun) మూవీలో టామ్ క్రూజ్ నటించిన విషయం తెలిసిందే. ఆ ఫిల్మ్ను చూశానని, క్రూజ్ నటన అద్భుతమని రాంచరణ్ అన్నాడు.
ఇక ఈ యేటి ఆస్కార్స్లో.. రాంచరణ్, జూనియర్ ఎన్టీఆర్ నటించిన ఆర్ఆర్ఆర్ ఫిల్మ్ పోటీపడుతోంది. ఆ ఫిల్మ్లోని నాటు నాటు సాంగ్(naatu naatu song).. బెస్ట్ ఒరిజినల్ సాంగ్ కేటగిరీలో గట్టి పోటీ ఇవ్వనున్నది. హాలీవుడ్ విశ్లేషకుల ప్రకారం నాటు నాటు సాంగ్కు అవార్డు వచ్చే అవకాశాలు ఉన్నట్లు తెలుస్తోంది.