Visit:
Ram Charan | బుచ్చిబాబు- రామ్ చరణ్ తొలిసారి పెద్ది అనే చిత్రం కోసం క‌లిసి ప‌ని చేస్తున్నారు. ఈ సినిమాని భారీ రేంజ్‌లో రూపొందిస్తున్నారు. ఇటీవ‌ల మూవీ ఫ‌స్ట్ లుక్ విడుద‌ల కాగా, ఇది ఎంత‌గానో ఆక‌ట్టుకుంది. ఉత్త‌రాంధ్ర స్పోర్ట్స్ బ్యాక్‌డ్రాప్‌లో ఈ సినిమాని మైత్రీమూవీమేకర్స్‌, సుకుమార్‌ రైటింగ్స్‌ సమర్పణలో, వృద్ధి సినిమాస్‌ పతాకంపై వెంకట సతీష్‌ కిలారు నిర్మిస్తున్నాడు. శ్రీరామిన‌వ‌మి కానుక‌గా మూవీకి సంబంధించిన గ్లింప్స్ రానుంది. ఈ పాన్‌ఇండియా ప్రాజెక్ట్‌లో కన్న‌డ చ‌క్ర‌వ‌ర్తి శివ‌రాజ్ కుమార్ కీల‌క పాత్ర‌ల్లో న‌టిస్తుండగా.. ఆస్కార్ అవార్డు గ్ర‌హీత ఏఆర్ రెహ‌మాన్ సంగీతం అందించ‌బోతున్నాడు. బాలీవుడ్ న‌టుడు దివ్యేందు శర్మ ఇందులో విల‌న్ పాత్ర‌లో న‌టిస్తున్నాడు.
అయితే తాజాగా బుచ్చిబాబు త‌న సోష‌ల్ మీడియా ద్వారా ఆస‌క్తిక‌ర విష‌యాన్ని తెలియ‌జేశారు. రామ్ చరణ్ పుట్టినరోజు సందర్భంగా పవిత్రమైన దేవుడి పాదుకలతో కూడిన హనుమాన్ చాలీసాని బాక్సులో పొందుపరిచి చరణ్, ఉపాసన తనకు పంపించిన‌ట్టు బుచ్చిబాబు తెలియ‌జేశారు.అద్భుత‌మైన బ‌హుమ‌తి ఇచ్చినందుకు రామ్ చరణ్, ఉపాస‌న‌ల‌కి ప్ర‌త్యేక కృత‌జ్ఞ‌త‌లు తెలియ‌జేశారు. మీరు నాపై చూపిస్తున్న ప్రేమ‌కి, ఇస్తున్న మ‌ద్ధ‌తుకి ఎప్ప‌టికి రుణ‌ప‌డి ఉంటాను. హ‌నుమంతుని ఆశీస్సులు మీకు తోడుగా ఉండాలి. మీకు బ‌రింత బలాన్ని, శ‌క్తిని ఇవ్వాలి. మీ విలువ‌లు స్పూర్తిదాయ‌కం. మీరు స్థిరంగా, వినయంగా ఉండాల‌ని మాకు గుర్తు చేస్తాయి అని బుచ్చిబాబు త‌న ట్వీట్‌లో పేర్కొన్నాడు.
నా జీవితంలో క్లిష్టమైన సందర్భాల్లో హనుమంతుడు తనకు తోడుగా ఉన్నాడని, నలభై పడిలో అడుగు పెడుతున్న తనకు ఈ సందర్భంగా నీతో ఆ బలాన్ని పంచుకోవాలనే ఉద్దేశంతో ఈ లేఖ పంపుతున్నాను అని రామ్ చరణ్ త‌న సంతకంతో లెటర్ రాసారు. ఉపాసన, చరణ్ సంయుక్తంగా రాసిన మరో లెటర్ లో కూడా వాళ్ళెంత బుచ్చిబాబుని అభిమానిస్తున్నారో అందులో వ్యక్త పరిచారు. ఇంత బహిరంగంగా కేవలం ఒక్క సినిమా అనుభవమున్న దర్శకుడిని చరణ్ నమ్మడం అంద‌రిని ఆశ్చ‌ర్య‌ప‌రుస్తుంది. ఇంత షార్ట్ టైమ్‌లో ఇద్ద‌రి మ‌ధ్య అంత బాండింగ్ ఎలా ఏర్ప‌డిందో అని అంద‌రు ముచ్చ‌టించుకుంటున్నారు. గేమ్ ఛేంజర్ గాయాన్ని బుచ్చిబాబు పూర్తిగా మాన్పిస్తాడు అని మెగా ఫ్యాన్స్ అనుకుంటున్నారు.
Tqqq very much dear @AlwaysRamCharan Sir nd @upasanakonidela garu for the wonderful gift 🤍
Indebted to ur love nd support 🙏🏼May the blessings of Lord Hanuman be with you nd give more strength nd power to you Sir…
Your values r truly inspiring nd always remind us to stay… pic.twitter.com/1pt1k01zkz
— BuchiBabuSana (@BuchiBabuSana) April 4, 2025
