అనంత‌పురం టీంని అభినందించిన రామ్ చ‌ర‌ణ్‌

ఇప్ప‌టికే బ్ల‌డ్ బ్యాంక్‌ని స్థాపించి ఎంద‌రో ప్రాణాల‌కు అండ‌గా నిలిచిన చిరంజీవి ఇటీవ‌ల తెలుగు రాష్ట్రాల‌లో.. చిరంజీవి ఆక్సిజ‌న్ బ్యాంక్ అంటూ మ‌రో మెగా కార్య‌క్ర‌మానికి శ్రీకారం చుట్టారు. ఇప్పుడున్న ఆక్సిజన్ సంక్షోభాన్ని అరికడుతూ ఆంధ్ర ప్రదేశ్- తెలంగాణ రాష్ట్రాల్లో ఆక్సిజన్ కొరత వల్ల ఏ ఒక్కరూ మరణించకూడదన్న ఉద్దేశంతో చిరంజీవి ఈ కార్యక్రమాన్ని ప్రారంభించారు. తెలుగువారందరికీ ఈ ఆక్సిజన్ బ్యాంక్ దాదాపు అందుబాటులోకి వ‌చ్చింది.

జిల్లా అభిమాన సంఘాల అధ్య‌క్షుల ఆధ్వ‌ర్యంలో ఈ ఆక్సిజ‌న్ బ్యాంకులు సేవలందిస్తుండ‌గా, అనంత‌పురంలో ఆక్సిజన్ అత్యవసరం అని చిరంజీవి ఆక్సిజన్ బ్యాంకుకి వచ్చిన వారి నుంచి వివరాలు తెలుసుకుని,ఇంటికే తీసుకెళ్లి స్వయంగా అందచేసారు.ఈ క్ర‌మంలో అనంత‌పురం టీంని రామ్ చ‌ర‌ణ్ ప్ర‌శంసించారు.