Visit:
Israel PM : ఇరాన్ (Iran) పై అమెరికా, ఇజ్రాయెల్ భీకర దాడులు చేస్తున్న వేళ ఇజ్రాయెల్ ప్రధాని (Israel PM) బెంజామిన్ నెతన్యాహు (Benjamin Netanyahu) కీలక వ్యాఖ్యలు చేశారు. ఇరాన్కు ముందుముందు మరిన్ని సర్ప్రైజ్లు ఇస్తామని చెప్పారు. ప్రజలు ఆ దేశంలోని ప్రభుత్వాన్ని పడగొట్టే క్షణం దగ్గరలోనే ఉందని అన్నారు. ఈ దాడులతో తాము ఇరాన్ను విభజించడానికి ప్రయత్నించట్లేదని, నిరంకుశ పాలన నుంచి ఆ దేశానికి విముక్తి కలిగించడానికి ప్రయత్నిస్తున్నామని చెప్పారు.
ఇరాన్ విషయంలో తమ ప్రణాళికలోని తదుపరి దశను త్వరలో చేరుకోబోతున్నామని నెతన్యాహు అన్నారు. తాము చేస్తున్న దాడులతో ఇప్పటికే కీలక నేతలను కోల్పోయి ఇరాన్ ప్రభుత్వం తీవ్రంగా నష్టపోయిందని చెప్పారు. ఆ దేశంలోని ప్రస్తుత పాలనను అస్థిరపచడానికి, ప్రభుత్వంలో మార్పులు తీసుకురావడానికి చర్యలు తీసుకుంటున్నామని తెలిపారు. అక్కడి పాలక వర్గాన్ని గద్దె దించడానికి ఇదే సరైన సమయమని అన్నారు. ఇరాన్ ప్రభుత్వాన్ని అక్కడి ప్రజలే స్వయంగా పడగొట్టాలని, అప్పుడే ఇరాన్-ఇజ్రాయెల్లలో శాంతి నెలకొంటుందని పేర్కొన్నారు.
