పర్సంటేజీ సమస్యపై సబ్‌కమిటీ

జూన్‌ 4న రామ్‌చరణ్‌ ‘పెద్ది’ సినిమా ఆరోగ్యకరమైన వాతావరణంలోనే విడుదలవుతుందని, అందులో ఎలాంటి సందేహం లేదని అన్నారు అగ్ర నిర్మాత దిల్‌ రాజు. ప్రస్తుతం తెలుగు సినీరంగంలో పర్సంటేజీ విధానం అమలుపై ఎగ్జిబిటర్లు, నిర్మాతల మధ్య వివాదం చోటుచేసుకున్న విషయం తెలిసిందే. ఈ నేపథ్యంలో శుక్రవారం హైదరాబాద్‌లో సినీ నిర్మాతలు, ఎగ్జిబిటర్లు, డిస్ట్రిబ్యూటర్లు సమావేశమయ్యారు.

జూన్‌ 4న రామ్‌చరణ్‌ ‘పెద్ది’ సినిమా ఆరోగ్యకరమైన వాతావరణంలోనే విడుదలవుతుందని, అందులో ఎలాంటి సందేహం లేదని అన్నారు అగ్ర నిర్మాత దిల్‌ రాజు. ప్రస్తుతం తెలుగు సినీరంగంలో పర్సంటేజీ విధానం అమలుపై ఎగ్జిబిటర్లు, నిర్మాతల మధ్య వివాదం చోటుచేసుకున్న విషయం తెలిసిందే. ఈ నేపథ్యంలో శుక్రవారం హైదరాబాద్‌లో సినీ నిర్మాతలు, ఎగ్జిబిటర్లు, డిస్ట్రిబ్యూటర్లు సమావేశమయ్యారు. తెలుగు ఫిల్మ్‌ ఛాంబర్‌ ఆఫ్‌ కామర్స్‌ అధ్యక్షుడు డి.సురేష్‌బాబు ఆధ్వర్యంలో ఈ సమావేశాన్ని నిర్వహించారు.

సమావేశానంతరం దిల్‌రాజు మాట్లాడుతూ ‘ఎగ్జిబిటర్లు కోరుతున్నట్లుగా పర్సంటేజీ విధానానికి నిర్మాతలు సానుకూలంగానే ఉన్నారు. అయితే ఏ, బీ, సీ సెంటర్లను బట్టి పర్సంటేజీని నిర్ణయించాల్సి ఉంటుంది. ఇందుకు అన్ని సెక్టార్లతో కూడిన ఓ కమిటీని ఏర్పాటు చేస్తున్నాం’ అన్నారు.

21 మందితో సబ్‌ కమిటీ

పర్సంటేజీ అమలులో విధివిధానాలను చర్చించడానికి 21 మందితో కూడిన సబ్‌ కమిటీని ఏర్పాటు చేస్తున్నట్లు ఫిల్మ్‌ ఛాంబర్‌ అధ్యక్షుడు డి.సురేష్‌బాబు తెలిపారు. ఇందులో ప్రొడ్యూసర్స్‌, డిస్ట్రిబ్యూటర్స్‌, ఎగ్జిబిటర్స్‌.. ఈ మూడు సెక్టార్ల నుంచి ఏడుగురు చొప్పున మొత్తం 21 మంది సభ్యులు ఉంటారని, రెండు నెలల్లో ఈ కమిటీ నివేదిక సమర్పిస్తుందని డి.సురేష్‌బాబు పేర్కొన్నారు.