Rajashekar | 90ల్లో చిరంజీవి, బాలయ్యతో సమానంగా మంచి సినిమాలు చేసుకుంటూ.. తనకంటూ ప్రత్యేకమైన ఫాలోయింగ్ సంపాదించుకున్న హీరో రాజశేఖర్. అప్పట్లో ఈయనకు కూడా అభిమాన సంఘాలు ఉండేవి. అయితే రానురాను ఈయన మార్కెట్ పడిపోయింది. కానీ ఇప్పటికీ రాజశేఖర్ అంటే అభిమానించే వాళ్లు మాత్రం అలాగే ఉండిపోయారు. 2000కు ముందు వరకు కూడా రాజశేఖర్ సినిమాలు బాగానే ఆడాయి. వరస విజయాలు కూడా అందుకున్నాడు. అయితే ఆ తర్వాత ఈయన మెల్లగా కనుమరుగు అవుతూ వచ్చాడు. అప్పుడప్పుడూ ఒకట్రెండు సినిమాలతో మెరవడమే కానీ విజయం అందించింది మాత్రం తక్కువే.
80ల్లో తలంబ్రాలు, వందేమాతరం లాంటి సినిమాలతో కెరీర్ మొదలు పెట్టి.. అంకుశం, మగాడు లాంటి సినిమాలతో యాంగ్రీ యంగ్ మ్యాన్ అనిపించుకున్నాడు రాజశేఖర్. ఆ తర్వాత అన్న, అల్లరి ప్రియుడు, మా ఆయన బంగారం, శివయ్య, మనసున్న మారాజు, మా అన్నయ్య, సింహరాశి, ఎవడైతే నాకేంటి, గోరింటాకు లాంటి విజయాలతో తన రేంజ్ పెంచుకున్నాడు. అయితే ఒకానొక సమయంలో రాజశేఖర్ సినిమాలన్నీ వరుసగా ఫ్లాప్ అయ్యాయి. కనీసం ఈయన సినిమా వచ్చిందంటే పట్టించుకున్న వాళ్లు కూడా లేరు. గడ్డం గ్యాంగ్ వంటి సినిమాలు ఎప్పుడొచ్చాయో కూడా తెలియదు. వాటిని సొంతంగా నిర్మించి చేతులు కాల్చుకున్నాడు రాజశేఖర్. అలాంటి సమయంలో అప్పుల బాధ తట్టుకోలేక చెన్నైలో ఉన్న తన రెండు ఇండ్లను అమ్ముకోవాల్సిన పరిస్థితి వచ్చిందంటూ తన వాళ్లతో రాజశేఖర్ చెప్పుకున్నట్లు తెలుస్తుంది. ఇలాంటి సమయంలో చాలా ఏండ్లకు PSV గరుడ వేగ సినిమాతో ఉనికి చాటుకున్నాడు రాజశేఖర్. ఆ తర్వాత కల్కి సినిమా కూడా ఫర్లేదు అనిపించింది. దీంతో మళ్లీ ఫామ్లోకి వచ్చిన ఈయన.. వరుస సినిమాలకు కమిట్ అవుతున్నాడు. ఇదిలా ఉంటే ఇప్పుడు మళ్లీ విలన్గా మారుతున్నాడు రాజశేఖర్.
గోపీచంద్ హీరోగా శ్రీవాస్ దర్శకత్వంలో ఓ సినిమా రాబోతోంది. ఇందులో ప్రతినాయకుడిగా రాజశేఖర్ నటించబోతున్నాడని ప్రచారం జరుగుతుంది. నిజానికి రాజశేఖర్ ఇండస్ట్రీకి వచ్చింది విలన్గానే. కెరీర్ మొదట్లో తలంబ్రాలు, ఆహుతి సినిమాల్లో ఈయన విలనిజానికి అంతా ఫిదా అయ్యారు. ఆ తర్వాత హీరోగా బిజీ అయిపోయాడు. అయితే కొన్నేండ్ల కింద రామ్చరణ్ హీరోగా వచ్చిన ధృవ సినిమాలో విలన్గా రాజశేఖర్ను అడిగినా కుదర్లేదు. కానీ ఇప్పుడు మళ్లీ ఇన్నేండ్లకు ఈయన విలనిజం వైపు అడుగులేస్తున్నాడు.
లోకల్ టు గ్లోబల్ వార్తల కోసం.. నమస్తే తెలంగాణ ఫేస్బుక్, ట్విటర్ పేజీలను ఫాలో అవ్వండి
స్టార్ హీరోయిన్ ఇంట్లో డ్రగ్స్, మద్యం లభ్యం..అదుపులోకి తీసుకున్న పోలీసులు
కియారాను నయనతారతో పోల్చిన డైరెక్టర్
సమంత రిస్కీ వర్కవుట్స్ వీడియో వైరల్
బాలకృష్ణ మూవీ..సింపుల్గా తప్పించుకున్న శృతిహాసన్