Visit:
Salil Arora : ఐపీఎల్ అంటే చాలు కుర్రాళ్లు రెచ్చిపోతుంటారు. తమదైన దూకుడుతో అలరిస్తూ జాతీయ సెలెక్టర్ల దృష్టిలో పడాలని ఆశ పడుతారు. ఐపీఎల్ మెరుపులతో భారత జట్టు జెర్సీ వేసుకోవాలని కలలు కంటారు. సన్రైజర్స్ హైదరాబాద్ యువకెరటం సలీల్ అరోరా (Salil Arora) త్వరలోనే ఈ జాబితాలో చేరేలా కనిపిస్తున్నాడు. పంతొమ్మిదో సీజన్ లక్ష్యంగా నెట్స్లో చెమటోడ్చుతున్న సలీల్ సిక్సర్ల మోత మోగించాడు. శనివారం ప్రాక్టీస్ మ్యాచ్లో శివమెత్తిన ఈ చిచ్చరపిడుగు వరుసగా ఐదు బంతులకు ఐదు సిక్సర్లు బాది నాతో జాగ్రత్త అని ప్రత్యర్ధులకు హెచ్చరికలు పంపాడు.
మాజీ ఛాంపియన్ సన్రైజర్స్ హైదరాబాద్ పంతొమ్మిదో సీజన్కు పక్కాగా సిద్ధమవుతోంది. పవర్ హిట్టర్లతో నిండిన ఆరెంజ్ ఆర్మీలో మరో కుర్రాడు సిక్సర్లతో వార్తల్లో నిలిచాడు. శనివారం ప్రాక్టీస్ మ్యాచ్లో రెచ్చిపోయిన సలీల్ అరోరా ఐదు సిక్సర్లతో వారెవా అనిపించాడు.
WILDFIRE has a 🆕 name 🔥😍 pic.twitter.com/IUIKnHNUS5
— SunRisers Hyderabad (@SunRisers) March 21, 2026
ఇంట్రా స్క్వాడ్ మ్యాచ్లో సీనియర్ పేసర్ జయదేవ్ ఉనాద్కట్ ఓవర్లో చివరి రెండు బంతుల్ని సిక్సర్లుగా మలిచిన సలీల్.. ఆ తర్వాత ఓంకార్ తరమలేకు చుక్కలు చూపించాడు. అతడు సంధించిన తొలి మూడు బంతుల్ని స్టాండ్స్లోకి పంపాడు. మినీ వేలంలో రూ.1.50 కోట్లు పలికిన సలీల్.. తన స్టయిల్ అటాకింగ్ గేమ్తో పంతొమ్మిదో సీజన్లో చెలరేగిపోవాలని భావిస్తున్నాడు. వికెట్ కీపరైన ఈ కుర్రాడిని ఆరెంజ్ ఆర్మీ ఎన్ని మ్యాచుల్లో ఆడిస్తుందో చూడాలి.
ఐపీఎల్ చరిత్రలో రికార్డు స్కోర్ కొట్టిన సన్రైజర్స్ హైదారబాద్ ఈసారీ తడాఖా చూపించాలనుకుంటోంది. ఓపెనర్లు ట్రావిస్ హెడ్, అభిషేక్ శర్మ, హెన్రిచ్ క్లాసెన్ వంటి హిట్టర్లకు తోడు తాత్కాలిక కెప్టెన్ ఇషాన్ శర్మ దంచేసేందుకు సిద్ధమవుతున్నారు. రెగ్యులర్ సారథి ప్యాట్ కమిన్స్ ఆలస్యంగా జట్టుతో కలువనున్నాడు. సో.. ఆలోపు ఇషాన్ సారథ్యంలోనే ఆరెంజ్ ఆర్మీ ఆడనుంది. మార్చి 28 నుంచి ఐపీఎల్ ప్రారంభం కానుంది. ఆరంభ పోరులో ఢిఫెండింగ్ ఛాంపియన్ ఆర్సీబీతో హైదరాబాద్ తలపడనుంది.
