Sreeleela | కిస్సిక్‌ అంటూ కిర్రెక్కిస్తానంటున్న శ్రీలీల

‘పుష్ప’ సినిమాలో ‘ఊ అంటావా మావ..’ పాట ఎంతటి హిట్‌ అయ్యిందో తెలిసిందే. ఒక్క పాటతో హీరోయిన్‌ స్థాయి క్రెడిబులిటీని కొట్టేసింది అందాల సమంత. త్వరలో ‘పుష్ప 2’ రాబోతున్నది. ఆనవాయితీ ప్రకారం తొలి పార్ట్‌లో ఉన్నట్టే ఈ మలి పార్ట్‌లోనూ ఓ ఐటమ్‌ నంబర్‌ని ఆడియన్స్‌ ఎక్స్‌పెక్ట్‌ చెయ్యడం కామన్‌.

Sreeleela | ‘పుష్ప’ సినిమాలో ‘ఊ అంటావా మావ..’ పాట ఎంతటి హిట్‌ అయ్యిందో తెలిసిందే. ఒక్క పాటతో హీరోయిన్‌ స్థాయి క్రెడిబులిటీని కొట్టేసింది అందాల సమంత. త్వరలో ‘పుష్ప 2’ రాబోతున్నది. ఆనవాయితీ ప్రకారం తొలి పార్ట్‌లో ఉన్నట్టే ఈ మలి పార్ట్‌లోనూ ఓ ఐటమ్‌ నంబర్‌ని ఆడియన్స్‌ ఎక్స్‌పెక్ట్‌ చెయ్యడం కామన్‌. దాన్ని గ్రహించే ‘పుష్ప 2’లో కూడా అదిరిపోయే ఐటమ్‌ సాంగ్‌ని ప్లాన్‌ చేశారు దర్శకుడు సుకుమార్‌. మరి ఈ సారి బన్నీతో అడుగు కలిపే తార ఎవరు? అనే విషయంపై ఇన్నాళ్లూ అటు మీడియాలో, ఇటు పరిశ్రమలో తర్జనభర్జనలు జరిగాయి.

ఎట్టకేలకు ఈ పాటలో శ్రీలీల కనిపించనున్నట్టు తేటతెల్లమైపోయింది. రీసెంట్‌గా ‘పుష్ప2’ సెట్‌లో అల్లు అర్జున్‌, శ్రీలీల ఉన్న ఫొటో ఒకటి సోషల్‌ మీడియాలో లీక్‌ అయ్యింది. దాంతో మైత్రీ మూవీమేకర్స్‌ వారు అధికారికంగా ఆ పాట వివరాలను శనివారం ఎక్స్‌(ట్విటర్‌) ద్వా రా తెలియజేశారు. ఇందులో ‘కిస్సిక్‌..’ అంటూ సాగే ఐటమ్‌ సాంగ్‌ హైలైట్‌గా నిలుస్తుందని వారు ఈ పోస్ట్‌లో వెల్లడించారు. గతంలో ‘ఆహా’ ఓటీటీకి సంబంధించిన ప్రకటనలో బన్నీ, శ్రీలీల కలిసి నటించారు. ఇప్పుడు ‘పుష్ప2’ కోసం మరోసారి ఇద్దరూ కలిసి నర్తించనున్నారు. ఇది బన్నీ ఫ్యాన్స్‌కు నిజం గా శుభవార్తే.