మెగాస్టార్ చిరంజీవితో సినిమా చేయాలని పూరీజగన్నాథ్ (Puri Jagannadh) ఎప్పటి నుంచో అనుకుంటున్నా..పలు కారణాల వల్ల వర్కవుట్ కాలేదు. కానీ అభిమానుల ఎదురుచూపులకు ఫుల్ స్టాప్ పెడుతూ గాడ్ ఫాదర్లో చిరంజీవి (Chiranjeevi)తో కలిసి సిల్వర్ స్క్రీన్ షేర్ చేసుకున్నాడు పూరీ. ఈ ఇద్దరి మధ్య వచ్చే సన్నివేశాలు ప్రేక్షకులను బాగా ఆకట్టుకుంటాయి.
ఇన్వెస్టిగేటివ్ జర్నలిస్టుగా పూరీ పాత్ర సినిమాకు ప్లస్ అనే అయ్యిందనే చెప్పాలి. సినిమాలో చిరంజీవిని ప్రశ్నించిన పూరీ ఇపుడు సినీ లవర్స్ కోసం మరోసారి మెగాస్టార్ను ప్రశ్నించబోతున్నాడు. అదేంటి అనుకుంటున్నారా..? అవును మీరు చదివింది నిజమే.
తాజా అప్డేట్ ప్రకారం పూరీజగన్నాథ్ ఇన్ స్టాగ్రామ్ లైవ్లో చిరంజీవిని ఇంటర్వ్యూ చేయబోతున్నాడు. ఇవాళ రాత్రి 8:30 గంటలకు ఇంటర్వ్యూ లైవ్ ఉండనుంది. చిరంజీవి అఫీషియల్ హ్యాండిల్, కొణిదెల ప్రొడక్షన్ కంపెనీ ఖాతాల్లో స్ట్రీమింగ్ కానుంది. లేటెస్ట్ టాక్ ప్రకారం రెగ్యులర్ ఇంటర్వ్యూల్లా కాకుండా పూరీ, చిరు చిట్ చాట్ చాలా ఆసక్తికరంగా సాగనుందట. స్ట్రీమింగ్ టైం కోసం ఎక్జయిటింగ్గా ఎదురుచూస్తున్నారు సినీ జనాలు.
పూరీ పోడ్కాస్ట్స్ చూసి ఇంప్రెస్ అయిన చిరంజీవి..పూరీ జగన్నాథ్ను గాడ్ పాదర్లో పాత్ర చేయాలని సూచించిన విషయం తెలిసిందే. మోహన్ రాజా డైరెక్ట్ చేసిన గాడ్ ఫాదర్ చిత్రం దసరా కానుకగా అక్టోబర్ 5న విడుదలై మంచి టాక్తో ప్రదర్శించబడుతోంది.
Read also : Sidhu Jonnalagadda | అట్లుంటది మనతోని.. డీజేటిల్లు 2 హీరోయిన్ ఎవరో చెప్పిన సిద్దు
Read also : Chiranjeevi | చిరంజీవిని కలిసిన ఫిల్మ్ క్రిటిక్స్ అసోసియేషన్ సభ్యులు
Read also : Prakash Raj | ప్రకాశ్ రాజ్ డబ్బింగ్ షురూ.. ఇంతకీ ఏ సినిమాకంటే..?
Read also : Kriti Sanon | ఆదిపురుష్ కొత్త అప్డేట్.. డబ్బింగ్ స్టూడియోలో కృతిసనన్