Prithvi Shaw | ఒకే ఫ్రేమ్‌లో క్రికెట్–సినీ స్టార్లు.. పృథ్వీ షాతో రామ్ చరణ్, వెంకటేష్ , వైరల్ అవుతున్న ఫోటోలు

Prithvi Shaw | భారతదేశంలో ప్రస్తుతం ఐపీఎల్ 2026 క్రికెట్ జోరు ఊపందుకుంది. ప్రతి సాయంత్రం మ్యాచ్‌లు మొదలయ్యే సమయానికి అభిమానులు టీవీలకు అతుక్కుపోతూ తమ అభిమాన జట్లు, ఆటగాళ్లను ఉత్సాహంగా ప్రోత్సహిస్తున్నారు. ఈ సీజన్‌లో ఢిల్లీ క్యాపిటల్స్ జట్టుకు ప్రాతినిధ్యం వహిస్తున్న యువ ఆటగాడు పృథ్వీ షా తాజాగా వార్తల్లో నిలిచాడు.

Prithvi Shaw | భారతదేశంలో ప్రస్తుతం ఐపీఎల్ 2026 క్రికెట్ జోరు ఊపందుకుంది. ప్రతి సాయంత్రం మ్యాచ్‌లు మొదలయ్యే సమయానికి అభిమానులు టీవీలకు అతుక్కుపోతూ తమ అభిమాన జట్లు, ఆటగాళ్లను ఉత్సాహంగా ప్రోత్సహిస్తున్నారు. ఈ సీజన్‌లో ఢిల్లీ క్యాపిటల్స్ జట్టుకు ప్రాతినిధ్యం వహిస్తున్న యువ ఆటగాడు పృథ్వీ షా తాజాగా వార్తల్లో నిలిచాడు. అత‌ను వార్త‌ల‌లో నిలవడానికి కారణం అతని ఆట కాదు, అతను దిగిన కొన్ని ప్రత్యేక ఫోటోలు. టాలీవుడ్‌కు చెందిన ప్రముఖ హీరోలు రామ్ చరణ్, వెంకటేష్‌తో కలిసి పృథ్వీ షా ఒక ఈవెంట్‌లో కనిపించాడు. ఈ ముగ్గురు ఒకే ఫ్రేమ్‌లో కనిపించడంతో ఆ ఫోటోలు సోషల్ మీడియాలో వైరల్‌గా మారాయి.

సినీ, క్రీడా రంగాలకు చెందిన ప్రముఖులు ఒకే చోట కలవడం అభిమానులకు ఎప్పుడూ ప్రత్యేకమైన అనుభూతినే ఇస్తుంది. ముఖ్యంగా క్రికెట్ పట్ల ఆసక్తి ఉన్న రామ్ చరణ్, వెంకటేష్‌లు పృథ్వీ షా ఆటతీరును ప్రశంసిస్తూ, రాబోయే మ్యాచ్‌లలో కూడా ఇలానే రాణించాలని అభినందించినట్లు సమాచారం. ఈ ప్రోత్సాహం యువ ఆటగాడికి మరింత ఆత్మవిశ్వాసాన్ని అందిస్తుందని విశ్లేషకులు భావిస్తున్నారు. ప్రస్తుతం ఈ ఐపీఎల్ సీజన్‌లో పృథ్వీ షా పెద్ద‌గా అవ‌కాశాలు ద‌క్కించుకోలేక‌పోయాడు. అత‌ను తన ఫామ్‌ను నిలబెట్టుకోవడానికి తీవ్రంగా శ్రమిస్తున్నాడు. గతంలో కొన్ని ఒడిదుడుకులు ఎదుర్కొన్నప్పటికీ, ఈ సీజన్‌లో తన ప్రతిభను మరోసారి నిరూపించుకోవాలని పట్టుదలతో ఉన్నాడు.

ఇలాంటి సమయంలో సినీ రంగానికి చెందిన ప్రముఖుల నుంచి లభించిన ప్రోత్సాహం అతనికి మరింత ఉత్సాహాన్ని కలిగించే అంశంగా మారింది. ఒకవైపు క్రికెట్ అభిమానులు, మరోవైపు సినిమా అభిమానులు – ఇరువర్గాల వారినీ ఈ అరుదైన కలయిక ఆకట్టుకుంటోంది. పృథ్వీ షా – రామ్ చరణ్ – వెంకటేష్‌ల ఫోటోలు ప్రస్తుతం సోషల్ మీడియాలో ట్రెండ్ అవుతుండగా, ఈ కలయిక ఐపీఎల్ సీజన్‌కు మరింత గ్లామర్‌ను తీసుకువచ్చిందని చెప్పాలి.