Premalu Movie | ‘ప్రేమ‌లు’ ట్రైల‌ర్ అప్‌డేట్ ఇచ్చిన మేక‌ర్స్

Premalu Movie | రీసెంట్‌గా మ‌ల‌యాళంలో బ్లాక్ బ‌స్ట‌ర్ అయిన తాజా చిత్రం ప్రేమ‌లు. ఈ చిత్రం రూ.11 కోట్ల బ‌డ్జెట్‌తో వ‌చ్చి కేవ‌లం 15 రోజుల్లోనే రూ.80 కోట్లకు పైగా వ‌సూళ్ల‌ను రాబ‌ట్టింది. ఇక ఈ సినిమాను తెలుగులో టాలీవుడ్ దిగ్గ‌జ ద‌ర్శ‌కుడు రాజమౌళి కుమారుడు ఎస్.ఎస్ కార్తికేయ విడుద‌ల చేస్తున్నారు.

Premalu Movie | రీసెంట్‌గా మ‌ల‌యాళంలో బ్లాక్ బ‌స్ట‌ర్ అయిన తాజా చిత్రం ప్రేమ‌లు. ఈ చిత్రం రూ.11 కోట్ల బ‌డ్జెట్‌తో వ‌చ్చి కేవ‌లం 15 రోజుల్లోనే రూ.80 కోట్లకు పైగా వ‌సూళ్ల‌ను రాబ‌ట్టింది. ఇక ఈ సినిమాను తెలుగులో టాలీవుడ్ దిగ్గ‌జ ద‌ర్శ‌కుడు రాజమౌళి కుమారుడు ఎస్.ఎస్ కార్తికేయ విడుద‌ల చేస్తున్నారు. ఇప్ప‌టికే ఈ సినిమా తెలుగు వెర్ష‌న్‌కు సంబంధించి పోస్ట్ ప్రోడ‌క్ష‌న్ ప‌నులు జ‌రుపుకుంటుంది. మార్చి 08న ఈ సినిమాను విడుద‌ల చేయ‌నున్నారు. ఇదిలావుంటే తాజాగా ఈ చిత్రం నుంచి ట్రైల‌ర్ అప్‌డేట్ ఇచ్చారు మేక‌ర్స్.

ఈ సినిమా ట్రైల‌ర్‌ను హైదరాబాద్‌లోని విజేత్ కాలేజీలో ఈరోజు సాయంత్రం 7 గంటలకి లాంచ్ చేయ‌నున్నట్లు ప్ర‌క‌టించారు. ఇక తెలుగు ట్రైల‌ర్ విడుద‌ల‌య్యాక ఈ సినిమాపై అంచనాలు ఎలా ఉంటాయో చూడాలి.

Can’t wait to show you all the trailer at 7pm today! ❤️🤗
Stay tuned! #Premalu #LetsPremalu #PremaluTeluguOnMarch8th https://t.co/FNJYXSzQCV

— S S Karthikeya (@ssk1122) March 2, 2024

లవ్ కామెడీ డ్రామాగా తెలంగాణ (Telangana), హైదరాబాద్(Hyderabad) బ్యాక్ డ్రాప్‌లో వ‌చ్చిన ఈ చిత్రం ప్ర‌స్తుత యూత్‌ను తెగ ఆక‌ట్టుకుంటుంది. ఈ సినిమా షూటింగ్ స‌గానికి పైగా హైదరాబాద్‌లోనే జ‌రుపుకోవ‌డం విశేషం. కేర‌ళ నుంచి తెలంగాణ‌కు జాబ్ చేయ‌డానికి వ‌చ్చిన మ‌ల‌యాళీలు ఇక్క‌డ ఎలా ఉన్నారు అనే చిన్న కాన్సెప్ట్‌తో ఈ సినిమా వచ్చింది. ముఖ్యంగా సినిమాలో వ‌చ్చిన చార్మినార్, ట్యాంక్‌బండ్, తెలంగాణ సెక్రటేరియట్, అంబేద్కర్ విగ్రహం సీన్స్ అయితే మూవీకే హైలెట్ అని చెబుతున్నారు. మనం రోజు తిరిగే హైదరాబాద్ ఇంత అందంగా ఉంటుందా అనేంతలా క్యాప్చర్ చేసి హైదరాబాదీలకు ఒక లవ్ స్టోరీ ఇచ్చాడు అని ద‌ర్శ‌కుడికి కామెంట్లు చేస్తున్నారు.

ప్ర‌ముఖ మ‌ల‌యాళ న‌టుడు ఫహద్ ఫాజిల్(Fahad Fazil) నిర్మించిన ఈ సినిమాను గిరీష్ ఏడీ(Girish AD) దర్శకత్వం ద‌ర్శ‌క‌త్వం వ‌హించ‌గా.. నస్లేన్, మమితా, అల్తాఫ్ సలీమ్, మీనాక్షి రవీంద్రన్, అఖిల భార్గవన్ ప్ర‌ధాన పాత్ర‌లు పోషించారు.