స్పిరిట్‌లో సైలెంట్‌ వార్‌?

దేశవ్యాప్తంగా భారీ అంచనాల నడుమ నిర్మాణం జరుపుకుంటున్న పానిండియా చిత్రాల్లో ప్రభాస్‌, సందీప్‌రెడ్డి వంగా కాంబినేషన్‌లో రూపొందుతున్న ‘స్పిరిట్‌' చిత్రం ముందు వరుసలో ఉంటుంది.

దేశవ్యాప్తంగా భారీ అంచనాల నడుమ నిర్మాణం జరుపుకుంటున్న పానిండియా చిత్రాల్లో ప్రభాస్‌, సందీప్‌రెడ్డి వంగా కాంబినేషన్‌లో రూపొందుతున్న ‘స్పిరిట్‌’ చిత్రం ముందు వరుసలో ఉంటుంది. ఈ ప్రెస్టేజియస్‌ మూవీ కోసం అభిమానులే కాదు, సగటు ప్రేక్షకులు సైతం ఆతృతగా ఎదురు చూస్తున్నారు. పూర్తి కాప్‌ యాక్షన్‌ డ్రామాగా తెరకెక్కుతున్న ఈ సినిమాలో మునుపెన్నడూ చూడనటువంటి రూత్‌లెస్‌ పోలీస్‌ అవతారంలో ప్రభాస్‌ కనిపించనున్న విషయం తెలిసిందే. ఈ సినిమా షూటింగ్‌ ప్రస్తుతం శరవేగంగా జరుగుతున్నది.

పోలీస్‌స్టేషన్‌కి సంబంధించిన ఎపిసోడ్‌ని దర్శకుడు సందీప్‌రెడ్డి వంగా తెరకెక్కిస్తున్నట్లు ఫిల్మ్‌ వర్గాల సమాచారం. ఈ ఎపిసోడ్‌లో యాక్షన్‌ కంటే సైలెన్స్‌తోనే సందీప్‌ భయపెట్టనున్నారట. ఆద్యంతం సీరియస్‌ డ్రామాగా ఈ సీక్వెన్స్‌ సాగుతుందని వినికిడి.

ఈ సినిమాలో బాలీవుడ్‌ నటుడు వివేక్‌ ఓబెరాయ్‌ విలన్‌గా నటిస్తున్న విషయం తెలిసిందే. వీరిద్దరి మధ్య నడిచే వార్‌ డ్రామా ఉత్కంఠభరితంగా ఉంటుందట. త్రిప్తి డిమ్రీ కథానాయికగా నటిస్తున్న ఈ చిత్రం వచ్చే ఏడాది మార్చి 5న గ్రాండ్‌గా విడుదల కానున్నది.