రీసెంట్గా పక్కా కమర్షియల్ సినిమాతో ప్రేక్షకుల ముందుకొచ్చాడు టాలెంటెడ్ డైరెక్టర్ మారుతి (Maruthi). ఈ చిత్రం బాక్సాపీస్ వద్ద ఆశించిన సక్సెస్ అందుకోలేకపోయింది. అయితే ఈ సినిమా ఫలితం ఎఫెక్ట్ మారుతి నెక్ట్స్ ప్రభాస్ (Prabhas)తో చేయబోయే మూవీపై పడిందని ఇప్పటికే వార్తలు తెరపైకి వచ్చాయి. ఓ వైపు ప్రభాస్తో చేయబోయే ఈ చిత్రం హార్రర్ కామెడీ నేపథ్యంలో ఉండబోతుందని కొందరు అంటుంటే..లేదు యాక్షన్ డ్రామాగా రాబోతుందని మరికొందరు తెగ డిస్కస్ చేశారు.
మరోవైపు ప్రభాస్ ఇంతలోనే పక్కా కమర్షియల్ (Pakka Commercial) ఫలితాన్ని చూసి మారుతి చిత్రాన్ని క్యాన్సిల్ చేశాడని న్యూస్ తెరపైకి వచ్చింది. కాగా ఇపుడిదే సినిమాకు సంబంధించిన కొత్త అప్డేట్ ఫిలింనగర్ సర్కిల్లో రౌండప్ చేస్తోంది. మారుతి-ప్రభాస్ కాంబో సినిమా అక్టోబర్లో సెట్స్ పైకి వెళ్లబోతుందట. ఒకవేళ ఇదే నిజమైతే ప్రభాస్ అభిమానులకు మాత్రం పండగే అన్నమాట. మరి దీనిపై రానున్న రోజుల్లో మారుతి నుంచి కానీ, ప్రభాస్ నుంచి కానీ ఏదైనా అప్డేట్ వస్తుందేమో చూడాలంటున్నారు సినీ జనాలు.
ప్రభాస్ పక్కా ఎంటర్టైనింగ్ రోల్లో కనిపించక చాలా కాలమే అవుతుంది. మరి మారుతి సినిమాతో ఈ పాన్ ఇండియా స్టార్ హీరో తనలోని ఫన్ యాంగిల్ ను మరోసారి చూపించబోతున్నాడా..? అనేది మరికొంత కాలం ఆగితే క్లారిటీ రానుంది.