అల్లు అర్జున్ (Allu Arjun), సుకుమార్ (Sukumar), రష్మిక మందన్నా (Rashmika Mandanna) కాంబోలో వచ్చిన చిత్రం పుష్ప (Pushpa). మలయాళ స్టార్ హీరో ఫహద్ ఫాసిల్ కీ రోల్ చేశాడు. అజయ్ ఘోష్, అనసూయ, సునీల్ కీలక పాత్రల్లో నటించారు. తెలుగు, తమిళం, మలయాళం, హిందీతోపాటు పలు భాషల్లో వచ్చిన పుష్ప మంచి వసూళ్లు రాబట్టింది. ఇక త్వరలోనే సుకుమార్ టీం (Pushpa 2)ను సెట్స్ పైకి తీసుకెళ్లేందుకు రెడీ అవుతోంది.
ఇక సీక్వెల్ ప్రాజెక్టు సెట్స్ పైకి రాకముందే మరో ఇంట్రెస్టింగ్ వార్త టాక్ ఆఫ్ ది టౌన్గా మారింది. అదేంటంటే పుష్ప మూడో పార్టు. అవును మీరు చదివింది నిజమే. పుష్ప 3 (Pushpa 3)కూడా ఉండబోతుందని ఫహద్ ఫాసిల్ (Fahadh Faasil ) కన్ఫార్మ్ చేశాడు. ఇటీవల ఇచ్చిన ఓ ఇంటర్వ్యూలో ఫహద్ ఫాసిల్ మాట్లాడుతూ.. కంటెంట్ వల్ల పుష్పను సుకుమార్ నెట్ఫ్లిక్స్ లో సిరీస్లా విడుదల చేద్దామనుకుంటున్నారన్నాడు.
పుష్ప 3 కూడా ఖచ్చితంగా ఉండబోతుంది. ఇటీవలే సుకుమార్ నాకు కాల్ చేశారు. పుష్ప 3వ పార్టు కోసం స్క్రిప్ట్ రెడీ చేస్తున్నానన్నారు. ఎందుకంటే పుష్ప కథలో అటువంటి అంశాలున్నాయని చెప్పుకొచ్చాడు. భన్వర్ సింగ్ షెకావత్గా అందరినీ మెప్పించాడు ఫహద్ ఫాసిల్. అల్లు అర్జున్-ఫహద్ ఫాసిల్ మధ్య ఎలాంటి యాక్షన్ సన్నివేశాలు లేకుండానే తొలి పార్టు ముగించాడు సుకుమార్.
మరి రెండో పార్టులో ఈ ఇద్దరి కాంబినేషన్ను ఎలా చూపించబోతున్నాడన్నది తెలియాల్సి ఉంది. ఇక పుష్ప 3 కూడా ఉంటుందని చెప్పడంతో ఎన్ని ఎలిమెంట్స్ ను చూపిస్తాడని ఎక్జయిటింగ్గా ఎదురుచూస్తున్నారు సినీ జనాలు.