Raja Delux Movie | ఆ ఫ్లాప్‌ సినిమా సెట్‌లో ప్రభాస్‌ మూవీ షూటింగ్‌.. టెన్షన్‌లో ఫ్యాన్స్‌..!

ప్రస్తుతం ప్రభాస్‌ వరుస పాన్‌ ఇండియా సినిమాలతో తీరిక లేకుండా గడుపుతున్నాడు. 'బాహుబలి' వంటి ఇండస్ట్రీ హిట్‌ తర్వాత 'సాహో', 'రాధేశ్యామ్‌' సినిమాలు బ్యాక్‌ టు బ్యాక్‌ ఫ్లాప్స్‌ సాధించిన, ప్రభాస్‌ సినిమాల దూకుడు తగ్గించడంలేదు.

Raja Delux Movie Shooting | ప్రస్తుతం ప్రభాస్‌ వరుస పాన్‌ ఇండియా సినిమాలతో తీరిక లేకుండా గడుపుతున్నాడు. ‘బాహుబలి’ వంటి ఇండస్ట్రీ హిట్‌ తర్వాత ‘సాహో’, ‘రాధేశ్యామ్‌’ సినిమాలు బ్యాక్‌ టు బ్యాక్‌ ఫ్లాప్స్‌ సాధించిన, ప్రభాస్‌ సినిమాల దూకుడు తగ్గించడంలేదు. ప్రస్తుతం ఆయన ‘సలార్‌’, ‘ప్రాజెక్ట్‌-K’ సినిమాలతో బిజీగా ఉన్నాడు. ఈ రెండు సినిమాల గ్యాప్‌లో మారుతి సినిమాను సైలెంట్‌గా పూర్తి చేస్తున్నాడు. ఎలాంటి సందడి లేకుండా లో ప్రొఫైల్‌లో ఈ సినిమా షూటింగ్‌ జరుగుతుంది. హర్రర్‌ కామెడీ జానర్‌లో తెరకెక్కుతున్న ఈ మూవీ ప్రస్తుతం హైదరాబాద్‌లో జరగుతుంది.

కాగా ఈ సినిమా షూటింగ్‌ ప్రస్తుతం ‘ఆచార్య’ సెట్‌లోనే జరుగుతుందట. రామోజీఫిలిం సిటీలో ఆచార్య సినిమా కోసం వేసిన ధర్మస్థలి సెట్‌లోనే ఈ మూవీ షూటింగ్‌ జరుగుతున్నట్లు తెలుస్తుంది‌. ఈ సెట్‌లో ఫైటింగ్ సన్నివేశాలు తెరకెక్కిస్తున్నట్లు టాక్‌. అయితే ఈ వార్తతో ప్రభాస్‌ అభిమానుల్లో భయం పుట్టుకుందట. భారీ అంచనాల నడుమ రిలీజైన ఆచార్య అట్టర్ ఫ్లాప్‌గా మిగిలింది. ఇక ఇప్పుడు ఆ సినిమా సెట్‌లోనే రాజా డిలక్స్‌ తెరకెక్కుతుండటం, ఆచార్య సెంటిమెంట్‌ ఈ సినిమాకు వర్తిస్తుందా అని అభిమానులను కాస్త భయాందోళనకు గురి చేస్తుందట.

హార్రర్ కామెడీ నేపథ్యంలో తెరకెక్కుతున్న ఈ సినిమాకు రాజా డిలక్స్ అనే టైటిల్‌ను పరిశీలనలో ఉంచారు. రాజా డిలక్స్ అనే థియేటర్ చుట్టూ తిరిగే తాతా-మనవళ్ల కథతో ఈ సినిమా రూపొందనుందట. ఈ సినిమాలో ప్రభాస్‌కు జోడీగా మాళవిక మోహన్‌, నిధి అగర్వాల్‌, రిద్ధీ కుమార్ నటిస్తున్నారు. బాలీవుడ్‌ యాక్టర్ సంజయ్‌దత్‌ కీలకపాత్ర పోషిస్తున్నాడు. థమన్‌ సంగీతం అందిస్తున్న ఈ చిత్రాన్ని పీపుల్ మీడియా ఫ్యాక్టరీ, యూవీ క్రియేష‌న్స్ సంయుక్తంగా నిర్మిస్తున్నాయి.

ఇక మొదటి నుండి ఈ ప్రాజెక్ట్‌పై ప్రభాస్‌ ఫ్యాన్స్‌ అసంతృప్తిగానే ఉన్నారు. ఇప్పటివరకు ఏ స్టార్‌ హీరోతో సినిమా చేయని మారుతి.. ఇప్పుడు ఏకంగా ప్రభాస్‌తో సినిమా చేస్తుండటంతో ఇండస్ట్రీలో హాట్ టాపిక్‌గా మారింది. అయితే ప్రభాస్‌ ఫ్యాన్స్ మాత్రం ఒకంత భయంగానే ఉన్నారు. ఎందుకంటే రీసెంట్‌గా మారుతి తెరకెక్కించిన సినిమాలన్ని బాక్సాఫీస్‌ దగ్గర బోల్తా కొడుతున్నాయి. ఈ క్రమంలో ప్రభాస్‌ను మారుతి హాండిల్‌ చేస్తాడా అనే డౌట్ అభిమానుల్లో ప్రతీ క్షణం మెదులుతుంది.