Adipurush | ‘ఆదిపురుష్’ నుంచి ప్ర‌భాస్ ఫ‌స్ట్‌లుక్ వ‌చ్చేది అప్పుడేన‌ట‌?

ప్రభాస్ ప్ర‌స్తుతం వ‌రుస పాన్ ఇండియా సినిమాల‌తో తీర‌క లేకుండా గ‌డుపుతున్నాడు. ఈయ‌న న‌టించిన 'రాధేశ్యామ్‌' ఇటీవ‌లే విడుద‌లై ప్రేక్ష‌కుల‌ను తీవ్రంగా నిరాశ‌ప‌రిచింది. పీరియాడిక‌ల్ ల‌వ్ స్టోరీగా తెర‌కెక్కిన ఈ చిత్రానికి

Prabhas Adipurush First Look | ప్రభాస్ ప్ర‌స్తుతం వ‌రుస పాన్ ఇండియా సినిమాల‌తో తీర‌క లేకుండా గ‌డుపుతున్నాడు. ఈయ‌న న‌టించిన ‘రాధేశ్యామ్‌’ ఇటీవ‌లే విడుద‌లై ప్రేక్ష‌కుల‌ను తీవ్రంగా నిరాశ‌ప‌రిచింది. పీరియాడిక‌ల్ ల‌వ్ స్టోరీగా తెర‌కెక్కిన ఈ చిత్రానికి రాధాకృష్ణ కుమార్ ద‌ర్శ‌క‌త్వం వ‌హించాడు. మొద‌టి రోజు నుంచే ఈ చిత్రం మిక్స్‌డ్ టాక్‌ను తెచ్చుకుంది. ఇక టాలీవుడ్‌లోనే అతిపెద్ద డిజాస్ట‌ర్ సినిమాగా ఈ చిత్రం నిలిచింది. ప్ర‌భాస్‌ త‌న ఇమేజ్‌కు భిన్నంగా ఈ చిత్రంలో న‌టించాడు. ఇదిలా ఉంటే ఈయ‌న న‌టించిన ‘ఆదిపురుష్’ ఇదివ‌ర‌కే షూటింగ్ పూర్తీ చేసుకుంది. ప్రస్తుతం పోస్ట్ ప్రొడ‌క్ష‌న్ ప‌నుల‌లో బిజీగా ఉంది. ఇక ఈ చిత్ర ఫ‌స్ట్‌లుక్ విడుద‌ల‌పై సోష‌ల్ మీడియాలో ఓ వార్త వైర‌ల్ అవుతుంది.

మైథ‌లాజిక‌ల్ సినిమాగా తెర‌కెక్కిన ఈ చిత్రాన్ని ఓంరౌత్ రామాయ‌ణం నేప‌థ్యంలో రూపొందించాడు. ప్ర‌భాస్ రాముడి పాత్ర‌లో న‌టించిగా, కృతి స‌నన్ సీత పాత్ర‌లో న‌టిస్తుంది. తాజాగా బాలీవుడ్ వ‌ర్గాల్లో అందుతున్న స‌మాచారం ప్ర‌కారం ఈ చిత్రంలోని ప్ర‌భాస్ ఫ‌స్ట్‌లుక్ పోస్ట‌ర్‌ను శ్రీరామన‌వ‌మి సందర్భంగా ఏప్రిల్ 10న విడుద‌ల చేయ‌నున్నార‌ని టాక్‌. దీనిపై అధికారికంగా ప్ర‌క‌ట‌న రావాల్సి ఉంది. సైఫ్ అలీఖాన్ ప్ర‌తినాయ‌కుడి పాత్ర‌లో న‌టించాడు. ఈ చిత్రాన్ని వ‌చ్చే ఏడాది సంక్రాంతి కానుక‌గా జ‌న‌వ‌రి 12న విడుద‌ల చేయ‌నున్న‌ట్లు మేక‌ర్స్ ఇదివ‌ర‌కే ప్ర‌క‌టించారు. ప్ర‌భాస్ ప్ర‌స్తుతం ప్ర‌శాంత్ నీల్ తెర‌కెక్కిస్తున్న‌ ‘స‌లార్’తో పాటు నాగ్ అశ్విన్ ‘ప్రాజెక్ట్‌-K’ చిత్రాల షూటింగ్‌ల‌లో బిజీగా ఉన్నాడు.

Read Also:

RRR Collections | వంద కోట్ల క్ల‌బ్‌లో ‘ఆర్ఆర్ఆర్’.. సౌత్ టు నార్త్ రికార్డుల వేట‌

Nani Dasara | భారీ ధ‌ర‌కు నాని ‘ద‌సరా’ నాన్ థియేట్రిక‌ల్ రైట్స్?

Stand Up Rahul | ఓటీటీలోకి ‘స్టాండ‌ప్ రాహుల్’.. స్ట్రీమింగ్ ఎప్పుడంటే?

Rashmika Mandanna | బాలీవుడ్ క్రేజీ ప్రాజెక్ట్‌లో.. ర‌ష్మిక మంద‌న్న‌?