RRR Collections | ప్రస్తుతం ఐపిఎల్కు మించిన హవా ఏదైనా ఉందంటే అది ‘ఆర్ఆర్ఆర్’ అనే చెప్పచ్చు.ఐపీఎల్ను హైలైట్స్లోనైనా చూసుకోవచ్చు.. కానీ ఆర్ఆర్ఆర్ను మాత్రం థియేటర్లో ఉన్నప్పుడే చూసేయాలి అని చాలా వరకు ప్రేక్షకులు భావిస్తున్నారు. దర్శక ధీరుడు రాజమౌళి తెరకెక్కించిన ఈ చిత్రం సౌత్ నుంచి నార్త్ వరకు కలెక్షన్ల సునామీని సృష్టిస్తుంది. చరణ్, తారక్ల నటనకు ప్రేక్షకులు బ్రహ్మరథం పడుతున్నారు. తెలుగు రాష్ట్రాలతో పాటు ఇతర రాష్ట్రాలలో కూడా ఈ చిత్రం బ్లాక్ బస్టర్ కలెక్షన్లను రాబడుతుంది. తాజాగా హిందీలో ఈ చిత్రం 100కోట్ల నెట్ కలెక్షన్లను సాధించి బాలీవుడ్ విశ్లేషకులను సైతం ఔరా అనిపించేలా చేస్తుంది.
‘ఆర్ఆర్ఆర్’ బృందం మొదటి నుంచే నార్త్లో గ్రాండ్గా ప్రమోషన్లను చేసింది. ఈ క్రమంలో హిందీలో ట్రిపుల్ఆర్కు విపరీతమైన క్రేజ్ వచ్చింది. మొదటి రోజు నుంచి నార్త్లో కలెక్షన్ల విషయంలో ఏ మాత్రం జోరు తగ్గడంలేదు. 5వ రోజ కూడా ఈ చిత్రం రూ.15.40 కోట్ల కలెక్షన్లను సాధించింది. తాజాగా ఈ చిత్రం బాలీవుడ్లో 100కోట్ల మార్కును అందుకుంది. కేవలం ఐదు రోజుల్లోనే ఈ చిత్రం 100కోట్ల నెట్ షేర్ను సాధించిందంటే విశేషం అనే చెప్పాలి. ఇక తాజాగా అమెరికాలో 10మిలియన్ డాలర్ల కలెక్షన్లను సాధించి బ్రేక్ఈవెన్న పూర్తీ చేసుకుంది. టోటల్ వరల్డ్ వైడ్గా ఈ చిత్రం 600కోట్ల గ్రాస్ కలెక్షన్లను సాధించి రికార్డుల వేట కొనసాగిస్తుంది.
బిగ్గెస్ట్ యాక్షన్ ఎంటర్టైనర్గా తెరకెక్కిన ఈ చిత్రంలో రామ్చరణ్ అల్లూరి సీతారామరాజు పాత్రలో నటించగా, తారక్ కొమరం భీం పాత్రలో నటించాడు. ఆలీయాభట్, ఒలీవియా మొర్రీస్లు కథానాయికలుగా నటించారు. బాలీవుడ్ స్టార్ అజయ్ దేవగన్ కీలకపాత్రలో నటించాడు. దానయ్య డివివి ఈ చిత్రాన్ని 550 కోట్ల భారీ బడ్జెట్తో నిర్మించాడు. ఇక ఇప్పటికే ఈ చిత్రాన్ని వీక్షించిన సినీప్రముఖులు సినిమా గొప్పతనంపై, సాంకేతిక బృందంపై ప్రశంసలు కురిపిస్తున్నారు.
#RRR #Hindi RRRoars and scores on the crucial make-or-break Mon… BIGGEST Day 4 [post pandemic]… FANTASTIC HOLD everywhere, especially in mass circuits… Will cross 💯 cr today [Tue; Day 5]… Fri 19 cr, Sat 24 cr, Sun 31.50 cr, Mon 17 cr. Total: ₹ 91.50 cr. #India biz. pic.twitter.com/Kne7GPi759
— taran adarsh (@taran_adarsh) March 29, 2022
Read Also:
Stand Up Rahul | ఓటీటీలోకి ‘స్టాండప్ రాహుల్’.. స్ట్రీమింగ్ ఎప్పుడంటే?
Salman Khan | బాలీవుడ్ సినిమాలపై సంచలన వ్యాఖ్యలు చేసిన సల్మాన్ ఖాన్
Rashmika Mandanna | బాలీవుడ్ క్రేజీ ప్రాజెక్ట్లో.. రష్మిక మందన్న?
Nani Dasara | భారీ ధరకు నాని ‘దసరా’ నాన్ థియేట్రికల్ రైట్స్?