pawan kalyan serious on Jagan | ఏపీలో జగన్, పవన్కళ్యాణ్ మధ్య వైరం గురించి ప్రత్యేకంగా చెప్పాల్సిన అవసరం లేదు. రాజకీయంగా ఇద్దరి మధ్య పచ్చగడ్డి వేస్తే భగ్గుమంటుంది. అధికార వైసీపీ, జనసేన మధ్య ఆ స్థాయిలో పోరు జరుగుతుంది. ఈ క్రమంలో ఏపీ సీఎం జగన్పై పవన్ కళ్యాణ్ సంచలన వ్యాఖ్యలు చేశాడు. తన సినిమాలను ఆపేసి తనను ఆర్థికంగా దెబ్బతీయాలని చూస్తున్నారని ఆరోపించారు.
తన ఒక్కడిపై ఉన్న కోపంతో సినీ ఇండస్ట్రీపై పగ సాధిస్తున్నారని ఇదివరకే జగన్ ప్రభుత్వంపై ఇదివరకే పవన్ కళ్యాణ్ మండిపడ్డారు. తాజాగా మరోసారి ఏపీ ప్రభుత్వంపై నిప్పులుచెరిగారు. తన సినిమాలను ఆపేస్తే భయపడనని.. అంత పిరికి వాడిని కాదని స్పష్టం చేశారు. పంతానికి దిగితే తన సినిమాలను ఉచితంగా ఆడిస్తానని సెన్సేషనల్ కామెంట్ చేశారు. పారదర్శకత అంటే అందరి విషయంలో ఉండాలని.. కొన్ని విషయాల్లో మాత్రమే ఉండకూడదంటూ హితవుపలికారు.సినిమా టికెట్లలో పారదర్శకత లేదు.. మరి ప్రభుత్వం జరిపే మద్యం అమ్మకాల్లో పారదర్శకత ఉందా అని ప్రశ్నించారు. రూ.700తో మద్యం కొని 5రూపాయలతో సినిమాకు వెళ్లండని చెబుతారా? ఇదెక్కడి న్యాయం అంటూ ఆగ్రహం వ్యక్తం చేశారు. వైసీపీ అధికారంలోకి వచ్చినప్పటి నుంచి ఒక్క ప్రాజెక్టు అయినా ప్రారంభించారా? కనీసం శిలాఫలకం అయినా పెట్టారా అని ప్రభుత్వాన్ని నిలదీశారు పవన్ కళ్యాణ్. ఏపీలో టికెట్ల ధరల విషయంలో కొంతకాలంగా వివాదం కొనసాగుతున్న విషయం తెలిసిందే. సినిమా టికెట్ల అమ్మకాల్లో పారదర్శకత కోసం ఏపీ రాష్ట్ర ప్రభుత్వమే థియేటర్లలో సినిమా టికెట్ల ధరలను నిర్ణయించింది. ఇందులో లీస్ట్ టికెట్ ధరను 5 రూపాయలుగా జగన్ ప్రభుత్వం పేర్కొంది. దీనిపై ఛాయ్ ధర కంటే కూడా సినిమా టికెట్ రేటు తక్కువగా ఉందంటూ సోషల్ మీడియాలో ట్రోలింగ్ కూడా జరిగింది.
లోకల్ టు గ్లోబల్ వార్తల కోసం.. నమస్తే తెలంగాణ ఫేస్బుక్, ట్విటర్ పేజీలను ఫాలో అవ్వండి
2024లో ఏపీలో కొత్త ప్రభుత్వాన్ని తీసుకురావాలి : పవన్ కల్యాణ్
Narayana swamy: జగన్ అంతానికి కుట్ర : చంద్రబాబుపై డిప్యూటీ సీఎం ఆరోపణ
భీమ్లా నాయక్ సినిమాలో త్రివిక్రమ్ ప్రధానంగా చేసిన మూడు మార్పులివేనా..
Pawan Kalyan: పవన్ కూతురిలో ఇంత టాలెంట్ ఉందా.. మురిసిపోతున్న మెగా ఫ్యాన్స్