ఖుషీ సెంటిమెంట్‌తో వచ్చేస్తున్న పవన్ కళ్యాణ్ హరి హర వీరమల్లు

Pawan Kalyan | భీమ్లా నాయ‌క్ వ‌చ్చే సంక్రాంతికి విడుద‌ల కానుంది. నిజానికి ఈ పండ‌క్కి క్రిష్ ద‌ర్శ‌క‌త్వంలో న‌టిస్తున్న హ‌రిహ‌ర వీర‌మ‌ల్లు సినిమాను రిలీజ్ చేయాల‌ని అనుకున్నారు.

August 17, 2021 / 10:39 PM IST

ఖుషీ సెంటిమెంట్‌తో వచ్చేస్తున్న పవన్ కళ్యాణ్ హరి హర వీరమల్లు

Pawan Kalyan | ఇండస్ట్రీలో అన్నింటికంటే ఎక్కువగా నమ్మేది సెంటిమెంట్. అది వర్కవుట్ అయితే వదిలిపెట్టరు.. కలిసిరాకపోతే కనీసం దాని వైపు కూడా చూడరు. ఇప్పుడు పవన్ కళ్యాణ్ కూడా ఇదే సెంటిమెంట్ ఫాలో అవుతున్నాడు. ప్ర‌స్తుతం ప‌వ‌ర్ స్టార్ నాలుగు సినిమాలో బిజీగా ఉన్నాడు. అందులో భీమ్లా నాయ‌క్ వ‌చ్చే సంక్రాంతికి విడుద‌ల కానుంది. నిజానికి ఈ పండ‌క్కి క్రిష్ ద‌ర్శ‌క‌త్వంలో న‌టిస్తున్న హ‌రిహ‌ర వీర‌మ‌ల్లు ( Hari Hara veeramallu ) సినిమాను రిలీజ్ చేయాల‌ని అనుకున్నారు. కానీ మ‌ధ్య‌లో భీమ్లానాయ‌క్ సినిమా వ‌చ్చేసింది. దీంతో హ‌రిహ‌ర వీర‌మ‌ల్లు సినిమా కోసం ఖుషీ సెంటిమెంట్ ఫాలో అవుతున్నాడు ప‌వ‌న్ క‌ళ్యాణ్‌.

భారీ బడ్జెట్ తో చారిత్రాత్మక నేపథ్యంలో తెరకెక్కుతున్న హ‌రిహ‌ర వీర‌మ‌ల్లు సినిమాపై అంచనాలు కూడా అంతే భారీగా ఉన్నాయి. పైగా మొదటి సారి పవన్ పీరియాడికల్ సినిమాలో నటిస్తున్నాడు. ఏఎం రత్నం దాదాపు 100 కోట్లతో ఈ సినిమాను నిర్మిస్తున్నాడు. నిధి అగర్వాల్, జాక్వలిన్ ఫెర్నాండేజ్ ఇందులో హీరోయిన్లుగా నటిస్తున్నారు. ఈ సినిమాకి కీరవాణి సంగీతం అందిస్తున్నాడు. బాలీవుడ్ హీరో అర్జున్ రాంపాల్ ఈ సినిమాలో విలన్‌గా నటిస్తున్నాడు. ఈయన ఔరంగజేబు పాత్రలో కనిపించబోతున్నాడు. హిస్టారికల్ సినిమాను బాగా తెరకెక్కిస్తాడనే పేరు క్రిష్ కు ఉంది. ఇప్పటికే ఈయన గౌతమీపుత్ర శాతకర్ణి, మణికర్ణిక లాంటి సినిమాలతో మంచి గుర్తింపు తెచ్చుకున్నాడు. అందుకే పవన్ సినిమాపై కూడా అంచనాలు అలాగే ఉన్నాయి. ఇప్పటికే ఈ చిత్ర షూటింగ్ సగానికి పైగా పూర్తయింది. అయితే కరోనా కారణంగా వాయిదా పడిన షూటింగ్ ఇప్పటి వరకు మళ్లీ తిరిగి మొదలు కాలేదు. దాంతో సినిమా కూడా వాయిదా పడక తప్పలేదు. సినిమాను సంక్రాంతికి కాకుండా వేసవిలో విడుదల చేయాలనుకుంటున్నారు. ఇక్కడే అసలు సెంటిమెంట్ దాగుంది.

పవన్ కళ్యాణ్ సినిమా కోసం ఖుషి సెంటిమెంటు వాడబోతున్నారు. ఈ సినిమాను ఏప్రిల్ 27న విడుదల చేయాలని చూస్తున్నారు మేకర్స్. సరిగ్గా 20 ఏండ్ల‌ కింద ఇదే తేదీన ఖుషీ సినిమా విడుదలైంది. ఏప్రిల్ 27, 2001న విడుదలైన ఖుషీ ఇండస్ట్రీ హిట్ అయింది. మళ్లీ ఇన్నేళ్ల‌ తర్వాత అదే తేదీన హరిహర వీరమల్లు సినిమా విడుదల చేయాలనుకుంటున్నారు. క్రిష్ కూడా దీనికి తగ్గట్లుగానే షూటింగ్ ప్లాన్ చేసుకుంటున్నాడు. ఈ సినిమా తర్వాత పవన్ కళ్యాణ్ హీరోగా హరీష్ శంకర్ దర్శకత్వంలో ఓ సినిమా చేయబోతున్నాడు. దీని షూటింగ్ కూడా త్వరలోనే మొదలు కానుంది. 2022 చివర్లో హరీష్ శంకర్, పవన్ సినిమా విడుదల కానుంది.