‘పిఠాపురంలో’ పాటల సందడి

రాజేంద్రప్రసాద్‌, పృథ్వీరాజ్‌, కేదార్‌ శంకర్‌, మణిచందన తదితరులు ప్రధాన పాత్రల్లో నటిస్తున్న చిత్రం ‘పిఠాపురంలో’. మహేశ్‌చంద్ర దర్శకుడు. ఏప్రిల్‌లో ప్రేక్షకుల ముందుకురానుంది.

రాజేంద్రప్రసాద్‌, పృథ్వీరాజ్‌, కేదార్‌ శంకర్‌, మణిచందన తదితరులు ప్రధాన పాత్రల్లో నటిస్తున్న చిత్రం ‘పిఠాపురంలో’. మహేశ్‌చంద్ర దర్శకుడు. ఏప్రిల్‌లో ప్రేక్షకుల ముందుకురానుంది. ఈ సందర్భంగా ఈ సినిమాలోని ‘మక్కుళు మక్కుళు కాలేజూ’ అనే పాటను ప్రముఖ దర్శకుడు వి.వి.వినాయక్‌ ఆవిష్కరించారు. జీసీ క్రిష్‌ స్వరపరచిన ఈ పాటను శ్రీరామ్‌ తపస్వి రచించారు. ఈ సందర్భంగా వి.వి.వినాయక్‌ మాట్లాడుతూ.. మూడు విభిన్నమైన ప్రేమకథలతో హాస్యం, భావోద్వేగాలు ప్రధానంగా ఈ చిత్రాన్ని రూపొందించారని, తప్పకుండా ప్రేక్షకాదరణ పొందుతుందనే నమ్మకం ఉందన్నారు. ఈ వారంలోనే ట్రైలర్‌ను విడుదల చేస్తామని దర్శకుడు మహేశ్‌చంద్ర తెలిపారు. జయవాహిని, అన్నపూర్ణమ్మ, దాసరి పద్మ, సన్నీ అఖిల్‌ తదితరులు నటిస్తున్న ఈ చిత్రానికి సంగీతం: జీసీ క్రిష్‌, కథ: ఆకుల సురేష్‌ పటేల్‌, నిర్మాతలు: దుండిగల్ల బాలకృష్ణ, ఆకుల సురేష్‌ పటేల్‌, ఎఫ్‌ఎమ్‌ మురళీ, స్క్రీన్‌ప్లే, దర్శకత్వం: మహేశ్‌చంద్ర.