Peddi | ‘పెద్ది’ థియేటర్లలో ప్రభంజనం.. ఓటీటీ స్ట్రీమింగ్ పార్ట్నర్ ఫిక్స్, స్ట్రీమింగ్ ఎప్పటి నుంచి?

Peddi | మెగా పవర్ స్టార్ రామ్ చరణ్ హీరోగా దర్శకుడు బుచ్చిబాబు సాన తెరకెక్కించిన భారీ పాన్ ఇండియా చిత్రం ‘పెద్ది’ నేడు ప్రపంచవ్యాప్తంగా ప్రేక్షకుల ముందుకు వచ్చింది. విడుదలకు ముందే భారీ అంచనాలు నెలకొల్పిన ఈ చిత్రం, ప్రీమియర్ షోల నుంచే పాజిటివ్ టాక్‌ను సొంతం చేసుకుని బాక్సాఫీస్ వద్ద దూసుకుపోతోంది.

Peddi | మెగా పవర్ స్టార్ రామ్ చరణ్ హీరోగా దర్శకుడు బుచ్చిబాబు సాన తెరకెక్కించిన భారీ పాన్ ఇండియా చిత్రం ‘పెద్ది’ నేడు ప్రపంచవ్యాప్తంగా ప్రేక్షకుల ముందుకు వచ్చింది. విడుదలకు ముందే భారీ అంచనాలు నెలకొల్పిన ఈ చిత్రం, ప్రీమియర్ షోల నుంచే పాజిటివ్ టాక్‌ను సొంతం చేసుకుని బాక్సాఫీస్ వద్ద దూసుకుపోతోంది. చాలా కాలం తర్వాత థియేటర్ల వద్ద కనిపిస్తున్న అభిమానుల సందడి, హౌస్‌ఫుల్ బోర్డులు, సెలబ్రేషన్స్ చూసి సినీ వర్గాలు సైతం ఆశ్చర్యపోతున్నాయి.సినిమాలో రామ్ చరణ్ నటనకు ప్రేక్షకులు ఫిదా అవుతున్నారు. ముఖ్యంగా ఆయన పోషించిన పాత్రలో కనిపించిన మాస్ ఎలిమెంట్స్, ఎమోషనల్ పెర్ఫార్మెన్స్, యాక్షన్ సన్నివేశాలు అభిమానులను విశేషంగా ఆకట్టుకుంటున్నాయి.

మొదటి భాగంలో మాస్ ఎంటర్‌టైన్‌మెంట్‌తో ఆకట్టుకున్న సినిమా, రెండో భాగంలో భావోద్వేగాలతో ప్రేక్షకులను కదిలిస్తోందని సోషల్ మీడియాలో కామెంట్లు వెల్లువెత్తుతున్నాయి. క్లైమాక్స్ ఎపిసోడ్స్, కొన్ని ఎమోషనల్ సన్నివేశాలు ప్రేక్షకులను కన్నీళ్లు పెట్టిస్తున్నాయని పలువురు అభిప్రాయపడుతున్నారు. దర్శకుడు బుచ్చిబాబు సాన తన కథను తెరపై ఆవిష్కరించిన తీరు కూడా ప్రశంసలు అందుకుంటోంది. గ్రామీణ నేపథ్యం, క్రీడా అంశాలు, కుటుంబ భావోద్వేగాలను సమతూకంగా మేళవిస్తూ ఆయన రూపొందించిన కథనం ప్రేక్షకులకు కొత్త అనుభూతిని కలిగిస్తోందని సినీ విశ్లేషకులు చెబుతున్నారు. మరోవైపు సంగీత దర్శకుడు ఏఆర్ రెహమాన్ అందించిన సంగీతం, బ్యాక్‌గ్రౌండ్ స్కోర్ సినిమాకు అదనపు బలంగా నిలిచాయి.

ఇదిలా ఉంటే, థియేటర్లలో విజయవంతంగా ప్రదర్శితమవుతున్న ‘పెద్ది’ సినిమా ఓటీటీ స్ట్రీమింగ్ హక్కుల విషయమూ ఇప్పుడు హాట్ టాపిక్‌గా మారింది. ఈ చిత్రం డిజిటల్ హక్కులను ప్రముఖ ఓటీటీ సంస్థ నెట్‌ఫ్లిక్స్ సొంతం చేసుకున్నట్లు తెలియ‌జేశారు. భారీ పోటీ మధ్య ఈ హక్కులను నెట్‌ఫ్లిక్స్ దక్కించుకున్నట్లు సినీ వర్గాల్లో చర్చ జరుగుతోంది. డిజిటల్ రైట్స్ కోసం భారీ మొత్తాన్ని చెల్లించినట్లు కూడా వార్తలు వినిపిస్తున్నాయి.ఇటీవల పెద్ద సినిమాల విషయంలో థియేట్రికల్ విడుదలకు ముందే ఓటీటీ ఒప్పందాలు పూర్తవుతున్నాయి. విడుదలైన నాలుగు నుంచి ఐదు వారాల వ్యవధిలోనే చాలా సినిమాలు డిజిటల్ ప్లాట్‌ఫారమ్‌లలోకి వస్తున్నాయి. అదే ధోరణి కొనసాగితే ‘పెద్ది’ కూడా థియేటర్లలో విడుదలైన నాలుగు వారాల తర్వాత నెట్‌ఫ్లిక్స్‌లో స్ట్రీమింగ్ అయ్యే అవకాశం ఉందని ట్రేడ్ వర్గాలు అంచనా వేస్తున్నాయి. అధికారిక ఓటీటీ విడుదల తేదీపై చిత్రబృందం ఇంకా ఎలాంటి ప్రకటన చేయలేదు.