తుది అంకానికి ఉస్తాద్‌

అగ్రహీరో పవన్‌కల్యాణ్‌ రాజకీయాలకు కాస్త విరామం ఇచ్చేసి తను ముందుగా కమిటైన సినిమాలను యుద్ధప్రాతిపదికన పూర్తి చేసే పనిలో ఉన్నారు. సుజిత్‌ దర్శకత్వంలో పవన్‌ నటించిన ‘ఓజీ’ షూటింగ్‌ ఇప్పటికే పూర్తయిపోయింది.

అగ్రహీరో పవన్‌కల్యాణ్‌ రాజకీయాలకు కాస్త విరామం ఇచ్చేసి తను ముందుగా కమిటైన సినిమాలను యుద్ధప్రాతిపదికన పూర్తి చేసే పనిలో ఉన్నారు. సుజిత్‌ దర్శకత్వంలో పవన్‌ నటించిన ‘ఓజీ’ షూటింగ్‌ ఇప్పటికే పూర్తయిపోయింది. ప్రస్తుతం పోస్ట్‌ ప్రొడక్షన్‌ దశలో ఉన్న ఈ సినిమా వచ్చే నెల 25న విడుదల కానుంది. ప్రస్తుతమైతే పవన్‌ ‘ఉస్తాద్‌ భగత్‌సింగ్‌’ షూటింగ్‌లో బిజీగా ఉన్నారు. ఆయనపై షూటింగ్‌ ఇంకా ఓ వారం మాత్రమే మిగిలి ఉన్నట్టు సదరు చిత్ర నిర్మాతల్లో ఒకరైన నవీన్‌ యెర్నేని తెలిపారు.

అలాగే మొత్తం షూటింగ్‌ కూడా 25 రోజుల్లో కంప్లీట్‌ కానున్నదని, దాదాపు ఈ నెల చివర్లో గుమ్మడికాయ కొట్టేస్తామని ఆయన చెప్పారు. ఈ సినిమాపై కూడా అంచనాలు భారీగానే ఉన్నాయి. పవన్‌కల్యాణ్‌, హరీశ్‌శంకర్‌ కాంబినేషన్‌లో వచ్చిన ‘గబ్బర్‌ సింగ్‌’ ఎంతటి విజయం సాధించిందో తెలిసిందే. అంతకు మించి ఈ సినిమా ఉంటుందని మేకర్స్‌ చెబుతున్నారు.. హరీశ్‌శంకర్‌ దర్శకత్వం వహిస్తున్న ఈ చిత్రంలో శ్రీలీల, రాశీఖన్నా కథానాయికలు. ఈ చిత్రానికి సంగీతం: దేవిశ్రీ ప్రసాద్‌.