Oscars 2023 | వంద కోట్ల హృదయాలను గర్వపడేలా చేసిన ఆర్‌ఆర్‌ఆర్.. రాజమౌళి బృందానికి అభినందనల వెల్లువ

ఆస్కార్‌ (Oscar) అవార్డు గెలుపొందిన ఆర్‌ఆర్‌ఆర్‌ (RRR) చిత్ర బృందానికి అభినందనలు వెళ్లువెత్తుతున్నాయి. జక్కన రాజమౌళి (Rajamouli), సంగీత దర్శకుడు కీరవాణి, రచయిత చంద్రబోస్‌పై దేశవ్యాప్తంగా ప్రముఖులు ప్రశంసల వర్షం కురిపిస్తున్నారు. నాటు నాటు పాటను ఏండ్ల తరబడి స్మరించుకుంటారని ప్రధాని మోదీ (PM Modi) అనగా, రాజమౌళి ధైర్యం, దార్శనికతతోనే ఈ అద్భుతం సాకారమైందని చిరంజీవి (Chiranjeevi), భారతీయులు గర్విస్తున్న క్షణాలివి అని పవన్‌ కల్యాణ్‌, తెలంగాణ సంస్కృతిని విశ్వవ్యాప్తం చేసిందని మంత్రి శ్రీనివాస్‌ గౌడ్‌  (Minister Srinivas goud) అన్నారు.

Oscars 2023 | ఆస్కార్‌ (Oscar) అవార్డు గెలుపొందిన ఆర్‌ఆర్‌ఆర్‌ (RRR) చిత్ర బృందానికి అభినందనలు వెల్లువెత్తుతున్నాయి. జక్కన రాజమౌళి (Rajamouli), సంగీత దర్శకుడు కీరవాణి, రచయిత చంద్రబోస్‌పై దేశవ్యాప్తంగా ప్రముఖులు ప్రశంసల వర్షం కురిపిస్తున్నారు. నాటు నాటు పాటను ఏండ్ల తరబడి స్మరించుకుంటారని ప్రధాని మోదీ (PM Modi) అనగా, రాజమౌళి ధైర్యం, దార్శనికతతోనే ఈ అద్భుతం సాకారమైందని చిరంజీవి (Chiranjeevi), భారతీయులు గర్విస్తున్న క్షణాలివి అని పవన్‌ కల్యాణ్‌, తెలంగాణ సంస్కృతిని విశ్వవ్యాప్తం చేసిందని మంత్రి శ్రీనివాస్‌ గౌడ్‌  (Minister Srinivas goud) అన్నారు.

రాజమౌళి బృందానికి ప్రధాని మోదీ అభినందనలు తెలిపారు. నాటు నాటుకు ఆస్కార్‌తో భారత్‌ గర్వపడుతోందని చెప్పారు. కీరవాణి, చంద్రబోస్‌ను అభినందించారు. ఈ పాట ప్రపంచమంతా పేరు తెచ్చుకుందన్నారు. నాటు నాటు పాటను ఏండ్ల తరబడి స్మరించుకుంటారని చెప్పారు.

Exceptional!

The popularity of ‘Naatu Naatu’ is global. It will be a song that will be remembered for years to come. Congratulations to @mmkeeravaani, @boselyricist and the entire team for this prestigious honour.

India is elated and proud. #Oscars https://t.co/cANG5wHROt

— Narendra Modi (@narendramodi) March 13, 2023

బెస్ట్ ఒరిజినల్ సాంగ్ కేటగిరీలో నాటు నాటు పాటకు ఆస్కార్‌ దక్కడం అభినందనీయమని మాజీ ఉపరాష్ట్రపతి ఎం.వెంకయ్య నాయుడు అన్నారు. చిత్ర బృందానికి హృదయపూర్వక శుభాకాంక్షలు తెలిపారు.

బెస్ట్ ఒరిజినల్ సాంగ్ కేటగిరీలో #RRR లోని నాటు నాటు గీతం ఆస్కార్ అందుకోవటం అభినందనీయం.
చిత్ర బృందానికి హృదయపూర్వక అభినందనలు తెలియజేస్తున్నాను. #Oscars pic.twitter.com/Ykdf50FsyH

— M Venkaiah Naidu (@MVenkaiahNaidu) March 13, 2023

ఆర్‌ఆర్‌ఆర్‌ బృందానికి గవర్నర్‌ తమిళిసై శుభాకాంక్షలు తెలిపారు. ఆస్కార్‌తో భారతీయులు, తెలుగు సినిమా గర్వించేలా చేశారని అన్నారు.

Congratulations @RRRMovie team You made INDIAN'S& telugu film industry Proud by #Oscar https://t.co/HYlPpzyOar

— Dr Tamilisai Soundararajan (@DrTamilisai4BJP) March 13, 2023

నాటు నాటు ప్రపంచ శిఖరాగ్రాన నిలిచిందని మెగాస్టార్‌ చిరంజీవి అన్నారు. రాజమౌళి బృందానికి అభినందనలు తెలిపారు. ధైర్యం, దార్శనికతతోనే ఈ అద్భుతం సాకారమైందని చెప్పారు. ఆర్‌ఆర్‌ఆర్‌.. వంద కోట్ల హృదయాలను గర్వపడేలా చేసిందని వెల్లడించారు.

#NaatuNaatu ON TOP OF THE WORLD !!! 👏👏👏👏👏

And THE OSCAR for the Best Original Song Goes To : Take a Bow .. @mmkeeravaani garu & @boselyricist @kaalabhairava7 @Rahulsipligunj #PremRakshith @tarak9999 @AlwaysRamCharan And the One & Only
@ssrajamouli 😍😍😍#Oscars95

— Chiranjeevi Konidela (@KChiruTweets) March 13, 2023

భారతీయులు గర్విస్తున్న క్షణాలివని పవర్‌ స్టార్‌ పవన్‌ కల్యాణ్ అన్నారు. ఆర్‌ఆర్‌ఆర్‌ చిత్ర బృందానికి హృదయపూర్వక అభినందనలు తెలిపారు. భారతీయ దర్శకులు, నటులు, రచయితలకు ఈ అవార్డు స్ఫూర్తిగా నిలుస్తుందన్నారు.

విశ్వవ్యాప్తమైన తెలుగు సినీ పరిశ్రమ ఖ్యాతి: మంత్రి తలసాని

RRR చిత్రానికి ఆస్కార్ అవార్డ్ లభించడం పట్ల మంత్రి తలసాని శ్రీనివాస్‌ యాదవ్‌ హర్షం వ్యక్తంచేశారు. ఒరిజినల్ సాంగ్ కేటగిరీలో నాటు నాటు సాంగ్ ఎంపిక కావడం ఎంతో సంతోషంగా ఉందన్నారు. నటులు జూనియర్ ఎన్టీఆర్‌, రాంచరణ్, డైరెక్టర్ రాజమౌళి, మ్యూజిక్ డైరెక్టర్ కీరవాణి, సింగర్ రాహుల్ సిప్లిగంజ్, చరయిత చంద్రబోస్ ఇతర చిత్ర యూనిట్ సభ్యులకు రాష్ట్ర ప్రభుత్వం తరపున శుభాకాంక్షలు తెలిపారు.
ఇప్పటికే గోల్డెన్ గ్లోబ్ అవార్డ్‌తోపాటు పాటు పలు పురస్కారాలను అందుకున్న ఆర్‌ఆర్‌ఆర్‌ చిత్రం చరిత్రలో మొదటిసారి ఆస్కార్ అవార్డ్ అందుకున్న తెలుగు సినిమా కావడం ఎంతో గర్వకారణమన్నారు. ఆస్కార్ అవార్డ్‌తో తెలుగు చిత్ర పరిశ్రమ ఖ్యాతి విశ్వవ్యాప్తమైందని చెప్పారు.

ఆర్ ఆర్ ఆర్ చిత్ర బృందాన్ని మంత్రి గంగుల కమలాకర్‌ అభినందించారు. ఆస్కార్ సాధించి తెలుగు సినిమాను ప్రపంచ స్థాయికి చేర్చారని, అన్ని రంగాలతోపాటు సినిమా రంగంలోనూ హైదరాబాద్ ఖ్యాతి దశదిశలా వ్యాపిస్తున్నదని చెప్పారు.

చిత్ర యూనిట్‌కు మంత్రి శ్రీనివాస్‌ గౌడ్‌ అభినందనలు తెలిపారు. నాటు నాటు పాట తెలంగాణ సంస్కృతిని విశ్వవ్యాప్తం చేసిందన్నారు. ఆస్కార్‌ సాధించి తెలుగు సినిమాను ప్రపంచ స్థాయికి చేర్చారని తెలిపారు.