Ori Devuda Movie On OTT | టాలీవుడ్ యంగ్ హీరో విశ్వక్ సేన్కు ఈ ఏడాది బాగా కలిసివచ్చింది. గతేడాది ‘పాగల్’ వంటి డిజాస్టర్ తర్వాత ఈ ఏడాది ‘అశోక వనంలో అర్జున కళ్యాణం’ వంటి బ్లాక్బస్టర్తో మంచి శుభారంభం దక్కింది. అదే జోష్తో గతనెల ‘ఓరి దేవుడా’ సినిమాను రిలీజ్ చేశాడు. మొదటి రోజు నుండి పాజిటీవ్ టాక్తో ఈ సినిమా మంచి వసూళ్ళను సాధించింది. వెంకటేష్ కీలకపాత్రలో నటించిన ఈ చిత్రానికి అశ్వత్ మరిముత్తు దర్శకత్వం వహించాడు. ఇదిలా ఉంటే ఈ సినిమా ఓటీటీ రిలీజ్ కోసం ప్రేక్షకులు ఎంతగానో ఎదురు చూస్తున్నారు.
తాజాగా ఈ చిత్రం ఓటీటీలోకి వచ్చేసింది. ప్రముఖ ఓటీటీ సంస్థ ఆహాలో గతరాత్రి నుండి స్ట్రీమింగ్ అవుతుంది. చిన్నప్పటి నుండి బెస్ట్ ఫ్రెండ్స్గా ఉన్న హీరో హీరోయిన్లు పెళ్ళి చేసుకోవాలని నిర్ణయించుకుంటారు. అయితే పెళ్ళి తర్వాత కొన్నాళ్ళకే అపార్థాల కారణంగా వీరిద్దరూ విడిపోవాలని కోర్టు మెట్లు ఎక్కుతారు. అయితే వీళ్ళు విడిపోవడానికి కారణాలు ఏంటీ? వీళ్ళ సమస్యను దేవుడు ఎలా పరిష్కరించాడు? అనే నేపథ్యంలో ఈ సినిమా తెరకెక్కింది. ఈ సినిమా తమిళంలో బ్లాక్బస్టర్ హిట్టయిన ఓమై కడువలే చిత్రానికి రీమేక్గా తెరకెక్కింది. ఓరిజినల్ వెర్షన్ను తెరకెక్కించిన అశ్వత్ రీమేక్ చిత్రాన్ని కూడా తెరకెక్కించాడు.
పీవిపీ సినిమాస్, శ్రీ వెంకటేశ్వరా క్రియేషన్స్ సంయుక్తంగా నిర్మించిన ఈ చిత్రంలో విశ్వక్కు జోడీగా మిథిలా పాల్కర్, ఆశా భట్ హీరోయిన్లుగా నటించారు. పూరి జగన్నాధ్ గెస్ట్ రోల్ పోషించిన ఈ సినిమాకు లియోన్ జేమ్స్ సంగీతం అందించాడు.