Operation Valentine | టాలీవుడ్ హీరో వరుణ్ తేజ్ (Varun Tej) ప్రధాన పాత్రలో నటిస్తున్న తాజా చిత్రం ‘ఆపరేషన్ వాలెంటైన్’. తెలుగు, హిందీ భాషల్లో తెరకెక్కుతున్న ఈ సినిమా ద్వారా వరుణ్ తేజ్ బాలీవుడ్లోకి ఎంట్రీ ఇవ్వబోతున్నాడు. శక్తిప్రతాప్ సింగ్ ఈ సినిమాకు దర్శకత్వం వహిస్తుండగా.. మాజీ మిస్ యూనివర్స్ మానుషి చిల్లర్ (Manushi Chhillar) కథనాయికగా నటిస్తుంది. ఇప్పటికే ఈ సినిమా నుంచి ఫస్ట్ లుక్ విడుదల చేయగా.. ప్రేక్షకుల వద్ద నుంచి మంచి రెస్పాన్స్ వచ్చింది. అయితే ఈ మూవీ నుంచి కొన్నాళ్లుగా ఎలాంటి అప్డేట్స్ రాలేదు. ఈ ప్రాజెక్ట్కు సంబంధించిన కొత్త న్యూస్ ఎప్పుడొస్తుందా అని మూవీ లవర్స్ ఎదురు చూస్తున్నారు. ఈ క్రమంలోనే మూవీ నుంచి ఒక సాలిడ్ అప్డేట్ వచ్చింది.
మొదట ఈ మూవీని డిసెంబర్ 08న విడుదల చేసేందుకు మేకర్స్ ప్లాన్ చేసిన విషయం తెలిసిందే. అయితే అనుకోని కారణాల వల్ల ఈ సినిమాని వాయిదా వేశారు. అయితే.. తాజాగా ఈ సినిమా విడుదల తేదీని మళ్లీ ప్రకటించారు మేకర్స్. ఈ సినిమాను 2024 ఫిబ్రవరి 16న తెలుగు, హిందీ భాషల్లో విడుదల చేయనున్నట్లు వెల్లడించారు. ఈ చిత్రంలో వరుణ్ తేజ్ ఫైటర్ పైలట్గా నటిస్తుండగా.. మానుషి చిల్లర్ రాడార్ ఆఫీసర్గా కనిపించనుంది.
The power-packed #MissionBriefing Motion Teaser is here 💥
Feel the might of the Indian Air Force ❤️🔥#OperationValentine In Cinemas from 16th February 2024 in Hindi & Telugu
Teaser launching soon!#OPVOnFeb16@IAmVarunTej @ShaktipsHada89 @ManushiChhillar @sidhu_mudda pic.twitter.com/4ttThkNp1A
— Sony Pictures Films India (@sonypicsfilmsin) December 11, 2023
సోనీ పిక్చర్స్ ఇంటర్నేషనల్ ప్రొడక్షన్స్, రినైసన్స్ పిక్చర్స్ సంస్థలు సంయుక్తంగా నిర్మిస్తుండగా.. భారతదేశం ఎదుర్కొన్న అతిపెద్ద వైమానిక దాడుల నేపథ్యంలో యథార్థ సంఘటనల స్ఫూర్తితో ఈ సినిమా రానుంది.
వరుణ్ తేజ్ మరోవైపు పలాస 1978 ఫేం కరుణకుమార్ దర్శకత్వం వహిస్తున్న పాన్ ఇండియా సినిమా మట్కా (Matka)లో కూడా నటిస్తున్నాడు. మట్కా చిత్రాన్ని వైరా ఎంటర్టైన్మెంట్స్ బ్యానర్పై తెరకెక్కిస్తున్నారు. ఈ సినిమా వరుణ్ తేజ్ కెరీర్లోనే అత్యంత భారీ బడ్జెట్తో పీరియాడిక్ బ్యాక్ డ్రాప్ స్టోరీతో రాబోతుంది.