Swayambhu | VFX కోసం వెనక్కి తగ్గిన నిఖిల్ ‘స్వయంభు’.. కొత్త రిలీజ్ డేట్ ఎప్పుడంటే?

Swayambhu Movie | యంగ్ హీరో నిఖిల్ సిద్ధార్థ్ నటిస్తున్న ప్రతిష్టాత్మక పీరియాడిక్ యాక్షన్ డ్రామా 'స్వయంభు' విడుదల వాయిదా పడింది.

Nikhil Siddhartha | యంగ్ హీరో నిఖిల్ సిద్ధార్థ్ నటిస్తున్న ప్రతిష్టాత్మక పీరియాడిక్ యాక్షన్ డ్రామా ‘స్వయంభు’ విడుదల వాయిదా పడింది. ముందుగా ప్రకటించిన‌ట్లు ఫిబ్రవరి 13వ తేదీన ఈ సినిమా ప్రేక్షకుల ముందుకు రావడం లేదని చిత్ర‌బృందం వెల్ల‌డించింది. ఈ చిత్రంలో యుద్ధ సన్నివేశాలు, చారిత్రక నేపథ్యం ఉన్నందున విజువల్ ఎఫెక్ట్స్ (VFX) పనులు హాలీవుడ్ ప్రమాణాలకు తగ్గకుండా ఉండాలని మేకర్స్ భావిస్తున్నారు. అంతర్జాతీయ స్థాయి స్టూడియోలతో కలిసి గ్రాఫిక్స్ పనులు నిర్వహిస్తుండటంతో పోస్ట్ ప్రొడక్షన్ పనులకు మరికొంత సమయం పట్టే అవకాశం ఉందని, అందుకే ఈ వాయిదా నిర్ణయం తీసుకున్నట్లు సమాచారం.

చిత్ర బృందం నుండి ఇంకా అధికారిక ప్రకటన రానప్పటికీ, ఇండస్ట్రీ వర్గాల సమాచారం ప్రకారం ఈ సినిమాను ఏప్రిల్ 10, 2026న సమ్మర్ కానుకగా విడుదల చేసేందుకు సన్నాహాలు చేస్తున్నారు. భరత్ కృష్ణమాచారి దర్శకత్వంలో తెరకెక్కుతున్న ఈ సినిమాలో నిఖిల్ సరసన సంయుక్త మీనన్, నభా నటేష్ హీరోయిన్లుగా నటిస్తున్నారు. ‘కార్తికేయ 2’ వంటి భారీ విజయం తర్వాత నిఖిల్ నటిస్తున్న పాన్ ఇండియా ప్రాజెక్ట్ కావడంతో దీనిపై ప్రేక్షకుల్లో భారీ అంచనాలు నెలకొన్నాయి. అత్యున్నత సాంకేతిక విలువలతో కూడిన అవుట్‌పుట్‌ను ప్రేక్షకులకు అందించడమే లక్ష్యంగా చిత్ర యూనిట్ పని చేస్తోంది. త్వరలోనే కొత్త విడుదల తేదీపై క్లారిటీ రానుంది.