విషమంగానే తారకరత్న ఆరోగ్యం.. హెల్త్‌ బులిటెన్‌ విడుదల చేసిన వైద్యులు

Taraka Ratna | నందమూరి తారకరత్న ఆరోగ్య పరిస్థితి ఇంకా విషమంగానే ఉందని నారాయణ హృదయాలయ వైద్యులు తెలిపారు. ఈ మేరకు సోమవారం తారకరత్న ఆరోగ్యంపై ఆసుపత్రి వైద్యులు హెల్త్‌ బులిటెన్‌ విడుదల చేశారు.

Taraka Ratna | నందమూరి తారకరత్న ఆరోగ్య పరిస్థితి ఇంకా విషమంగానే ఉందని నారాయణ హృదయాలయ వైద్యులు తెలిపారు. ఈ మేరకు సోమవారం తారకరత్న ఆరోగ్యంపై ఆసుపత్రి వైద్యులు హెల్త్‌ బులిటెన్‌ విడుదల చేశారు. తారకరత్న పరిస్థితి విషమంగానే ఉందని, వెంటిలేటర్‌పై ఉంచి చికిత్స అందిస్తున్నట్లు తెలిపారు. అయితే, ఎక్మో సపోర్ట్‌ ఇప్పటి వరకు పెట్టలేదని స్పష్టం చేశారు. తారకరత్న పరిస్థితిపై కుటుంబ సభ్యులకు ఎప్పటికప్పుడు వివరాలు అందిస్తున్నట్లు పేర్కొన్నారు.

తారకరత్న ఆరోగ్యంలో ఏదైనా మెరుగుదల కనిపిస్తే తప్పకుండా పంచుకుంటామని ఆసుపత్రి యాజమాన్యం తెలిపింది. ప్రజలెవరూ తారకరత్నను చూసేందుకు రావొద్దని, చికిత్సకు అంతరాయం కలగకుండా తమకు సహకరించాలని విజ్ఞప్తి చేశారు. తారకరత్న ఇటీవల కుప్పంలో నారా లోకేశ్ పాదయాత్ర ప్రారంభం సందర్భంగా.. తీవ్ర గుండెపోటుకు గురైన సంగతి తెలిసిందే. దాంతో ఆయనకు కుప్పంలోని ఆసుపత్రిలో చికిత్స అందించి, మెరుగైన చికిత్స కోసం బెంగళూరులోని నారాయణ హృదయాలయ ఆసుపత్రికి తరలించగా చికిత్స పొందుతున్నారు.