Visit:
Nani| ఏపీ 2024 ఎల‌క్ష‌న్స్ త‌ర్వాత హండ్రెడ్ ప‌ర్సంట్ స్ట్రైక్ రేట్ అనే ప‌దం బాగా వినిపించింది. ప‌వ‌న్ కళ్యాణ్ పార్టీ పోటీ చేసిన 21 స్థానాల‌లో గెలుపొంద‌డంతో ఈ ప‌దం ఎక్కువ‌గా వినిపించింది. నిజంగా ఇది ఒక అద్భుతం. అయితే ఇలాంటి స్ట్రైక్ రేట్ ద‌ర్శ‌కుల విష‌యానికి వ‌స్తే రాజ‌మౌళి, అనీల్ రావిపూడి సాధించారు. ఇక నిర్మాత‌గా హీరో నాని ఆ ఛాన్స్ ద‌క్కించుకోవ‌డం విశేషం. హీరోగా మంచి ఇమేజ్ ఉన్న నాని వాల్ పోస్ట‌ర్ బ్యాన‌ర్ స్థాపించి నాని నిర్మాత‌గా మారాడు. త‌న అభిరుచికి త‌గిన క‌థ‌ల్ని ఎంచుకొని కొత్త టాలెంట్‌ని ప్రోత్స‌హిస్తున్నారు. ‘అ’ లాంటి క‌థ‌ని తెర‌పైకి తీసుకొచ్చి త‌న‌లో ఎంత ద‌మ్ముందో నిరూపించాడు.
ప్ర‌శాంత్ వ‌ర్మ అనే ద‌ర్శ‌కుడిని అ సినిమాతో ప‌రిచ‌యం చేసి ఇండ‌స్ట్రీకి ఓ మంచి ద‌ర్శ‌కుడిని కూడా అందించాడు. ఇక నాని నిర్మాణంలో వ‌చ్చిన హిట్ 1, హిట్ 2 సినిమాలు క‌మ‌ర్షియ‌ల్ గా మంచి విజ‌యాల్ని అందించాయి. శైలేష్ కొల‌ను అనే ద‌ర్శ‌కుడు ఈ సినిమాల‌తో త‌న‌లోని సత్తా చూపించాడు. ఇక త్వ‌ర‌లో హిట్ 3 చేయ‌బోతున్నాడు. దానికి ముందు కోర్ట్ అనే సినిమాని ప్రేక్ష‌కుల ముందుకు తీసుకు వచ్చాడు నాని .ప‌రిమిత వ‌న‌రుల‌తో తీసిన ఈ సినిమా ప్రేక్షకుల‌ని ఎంత‌గానో అల‌రిస్తుంది.
సినిమాపై ఎంత న‌మ్మ‌కం ఉంటే రెండు రోజుల ముందే నాని ప్రీమియ‌ర్స్ వేస్తాడు. కోర్ట్ న‌చ్చ‌క‌పోతే హిట్ 3 కూడా చూడ‌కండి అని ఓపెన్ స్టేట్‌మెంట్ ఇచ్చాడు నాని. ఎంత ధైర్యం ఉంటే ఇలాంటి స్టేట్‌మెంట్ ఇస్తారు.అయితే కోర్టు హిట్ అయింది కాబ‌ట్టి స‌రిపోయింది కాని లేదంటే నానిని సోష‌ల్ మీడియాలో గ‌ట్టిగా ట్రోల్ చేసేవారు. ఆ ప్ర‌భావం ‘హిట్ 3’ పై కూడా ఉండేది. ఏది ఏమైన వ‌రుస‌గా నాలుగు విజ‌యాల‌తో నిర్మాత‌గా 100 % స్ట్ర‌యిక్ రేట్ సాధించాడు నాని. ఈ సినిమాల‌న్నీ ఒక ఎత్తు. రాబోతున్న `హిట్ 3` మ‌రో ఎత్తు అని చెప్పాలి. ఇక చిరంజీవి – శ్రీ‌కాంత్ ఓదెల కాంబోలో వ‌స్తున్న సినిమాకు కూడా నాని స‌మ‌ర్ప‌కుడు కాగా,ఈ సినిమాతో మ‌రో హిట్ నాని త‌న ఖాతాలో వేసుకుంటాడ‌ని అంటున్నారు.
