నేను కొట్టడం తప్పే

గత ఏడాది నవంబర్‌లో నానా పటేకర్‌ ‘వనవాస్‌' సినిమా షూటింగ్‌ వారణాసిలో జరిగింది. అది అవుట్‌డోర్‌ షూటింగ్‌ కావడంతో షూటింగ్‌ చూడటానికి జనం ఎగబడ్డారు.

గత ఏడాది నవంబర్‌లో నానా పటేకర్‌ ‘వనవాస్‌’ సినిమా షూటింగ్‌ వారణాసిలో జరిగింది. అది అవుట్‌డోర్‌ షూటింగ్‌ కావడంతో షూటింగ్‌ చూడటానికి జనం ఎగబడ్డారు. షూటింగ్‌ మంచి రసపట్టులో ఉంది.. ఇంతలో సడెన్‌గా ఓ యువకుడు ఫీల్డ్‌లోకి చొరబడి నానా పటేకర్‌ పక్కన నిలబడి సెల్ఫీ దిగబోయాడు. దాంతో అసహనానికి లోనైన పటేకర్‌, ఆ కుర్రాడి తలపై గట్టిగా కొట్టారు.

వెంటనే సెక్యూరిటీ రంగంలోకి దిగి ఆ కుర్రాడ్ని పక్కకు లాగేసింది. అయితే.. ఈ తతంగాన్నంతా అప్పటికే పలువురు తమ ఫోన్ల ద్వారా వీడియోలు తీసేశారు. ఆ వీడియోలు విపరీతంగా ట్రోల్‌ అవ్వడంతో, దాని వల్ల నానా పటేకర్‌ తీవ్రమైన విమర్శలెదుర్కోవలసి వచ్చింది. ఇదిలావుంటే.. ఇటీవల ఓ ఇంటర్వ్యూలో ఏడాది క్రితం జరిగిన ఈ విషయాన్ని నానా పటేకర్‌ గుర్తు చేసుకున్నారు.

‘నిజంగా నేను చాలా తొందరపడ్డాను. అప్పుడు నేను షాట్‌లో ఉన్నా. లొకేషన్‌ అంతా బిజీగా ఉంది. అలాంటి సమయంలో ఆ అబ్బాయి ఫొటో కోసం నా పక్కన నిలబడ్డాడు. అది తను తెలియక చేశాడు. ఆ విషయం గ్రహించకుండా నేను కొట్టడం తప్పే. అతను అభిమానంతోనే కదా నా దగ్గరకొచ్చాడు. షూటింగ్‌ గ్యాప్‌లో ఆ కుర్రాడు నా దగ్గరకు వచ్చి ఉంటే నా స్పందన వేరేలా ఉండేది’ అన్నారు నానా పటేకర్‌.