అరవైల పడుసోడు.. ఎగిరెగిరి పడతాడు

కె.సుధాకర్‌రెడ్డి, అరుణ్‌రాజ్‌, పూర్ణచంద్ర, మౌనిక బొమ్మ ప్రధాన పాత్రల్లో నటించిన అవార్డు విన్నింగ్‌ మూవీ ‘ముత్తయ్య’. భాస్కర్‌ మౌర్య దర్శకుడు. వంశీ కారుమంచి, వృందా ప్రసాద్‌ నిర్మాతలు.

కె.సుధాకర్‌రెడ్డి, అరుణ్‌రాజ్‌, పూర్ణచంద్ర, మౌనిక బొమ్మ ప్రధాన పాత్రల్లో నటించిన అవార్డు విన్నింగ్‌ మూవీ ‘ముత్తయ్య’. భాస్కర్‌ మౌర్య దర్శకుడు. వంశీ కారుమంచి, వృందా ప్రసాద్‌ నిర్మాతలు. త్వరలో ఈ సినిమా ఓటీటీ ప్లాట్‌ఫామ్‌ ఈటీవీ విన్‌లో స్ట్రీమింగ్‌ కానుంది. గురువారం ఈ సినిమాలోని పాటను అగ్ర కథానాయిక సమంత చేతుల మీదుగా విడుదల చేశారు.

‘అరవైల పడుసోడు.. ఎగిరెగిరి పడతాడు.. తుమ్మాకో తంబాకో తెలవదులేండి..’ అంటూ సాగే ఈ పాటను శివకృష్ణచారి ఎర్రోజు రాయగా, కార్తీక్‌ రోడ్రిగ్వ్‌ స్వరపరిచారు. విద్యాసాగర్‌ బంకుపల్లి ఆలపించారు. ముత్తయ్య పాత్ర వ్యక్తిత్వాన్ని ఆవిష్కరిస్తూ ఈ పాటను రూపొందించామని మేకర్స్‌ చెబుతున్నారు.

దివాకర్‌మణి ఈ చిత్రానికి ఛాయాగ్రహణం అందిస్తూ సహనిర్మాతగా కూడా వ్యవహరిస్తున్నారు. ఈ చిత్రానికి ఎగ్జిక్యూటివ్‌ ప్రొడ్యూసర్‌: వెంకటకృష్ణ, నిర్మాణం: హైలైఫ్‌ ఎంటైర్టెన్మెంట్స్‌ ప్రై.లిమిటెడ్‌, ఫిక్షనరీ ఎంటైర్టెన్మెంట్స్‌ ఎల్‌ఎల్‌పి.