వారం ముందుగానే లిటిల్‌ హార్ట్స్‌

మౌళి తనూజ్‌, శివాజీ నాగారం జంటగా నటించిన చిత్రం ‘లిటిల్‌ హార్ట్స్‌'. సాయి మార్తాండ్‌ దర్శకుడు. ఆదిత్య హాసన్‌ నిర్మాత. ఈటీవీ విన్‌ ప్రొడక్షన్స్‌లో సినిమా రూపొందింది. సెప్టెంబర్‌ 5న నిర్మాతలు బన్నీవాస్‌, వంశీ నందిపాటి ద్వారా ఈ సినిమా థియేటర్లలోకి రానుంది.

మౌళి తనూజ్‌, శివాజీ నాగారం జంటగా నటించిన చిత్రం ‘లిటిల్‌ హార్ట్స్‌’. సాయి మార్తాండ్‌ దర్శకుడు. ఆదిత్య హాసన్‌ నిర్మాత. ఈటీవీ విన్‌ ప్రొడక్షన్స్‌లో సినిమా రూపొందింది. సెప్టెంబర్‌ 5న నిర్మాతలు బన్నీవాస్‌, వంశీ నందిపాటి ద్వారా ఈ సినిమా థియేటర్లలోకి రానుంది. ఈ విషయాన్ని తెలియజేస్తూ శనివారం మేకర్స్‌ ఓ ప్రకటన విడుదల చేశారు.

సెప్టెంబర్‌ 12న ఈ సినిమాను విడుదల చేయనున్నట్టు మొదట్లో ప్రకటించారు. అయితే.. ఇప్పుడు ఒక వారం ముందుగానే థియేటర్లలోకి తెస్తున్నారు. ఈ సందర్భంగా మూవీ టీమ్‌ స్పందిస్తూ.. ‘ప్రచార చిత్రాల కారణంగా సినిమాపై ఆడియన్స్‌లో అంచనాలు ఏర్పాడ్డాయి. ఆ నమ్మకంతోనే ఓ వారం ముందుగానే వస్తున్నాం. మా ‘లిటిల్‌ హార్ట్స్‌’ అందర్నీ కడుపుబ్బా నవ్విస్తుంది.’ అని తెలిపారు. రాజీవ్‌ కనకాల, ఎస్‌.ఎస్‌.కాంచి, అనిత చౌదరి, సత్య కృష్ణన్‌ తదితరులు ఇతరపాత్రలు పోషిస్తున్న ఈ చిత్రానికి కెమెరా: సూర్య బాలాజీ, సంగీతం: సింజిత్‌ యెర్రమల్లి.