Mohanlal | మాన్‌స్ట‌ర్ వీడియో సాంగ్ టైం చెప్పిన మోహ‌న్‌లాల్‌

మ‌ల‌యాళ (Mollywood) స్టార్ హీరో మోహ‌న్‌లాల్ (Mohanlal) న‌టిస్తున్న చిత్రాల్లో ఒక‌టి మాన్‌స్ట‌ర్‌. వైశాఖ్ ద‌ర్శ‌క‌త్వం వ‌హిస్తున్నాడు. తాజాగా మూవీ ల‌వ‌ర్స్, అభిమానుల‌ కోసం వీడియో సాంగ్ అప్‌డేట్ ఇచ్చాడు మోహ‌న్ లాల్‌.

October 14, 2022 / 07:28 PM IST

Mohanlal | మాన్‌స్ట‌ర్ వీడియో సాంగ్ టైం చెప్పిన మోహ‌న్‌లాల్‌

జ‌న‌తాగ్యారేజ్ సినిమాతో తెలుగులో సూప‌ర్ స్టార్‌డ‌మ్‌తోపాటు ఫ్యాన్ ఫాలోయింగ్‌ కూడా పెంచుకున్నాడు మ‌ల‌యాళ (Mollywood) స్టార్ హీరో మోహ‌న్‌లాల్ (Mohanlal). ప్ర‌స్తుతం ఈ టాలెంటెడ్ హీరో న‌టిస్తున్న చిత్రాల్లో ఒక‌టి మాన్‌స్ట‌ర్‌. వైశాఖ్ ద‌ర్శ‌క‌త్వం వ‌హిస్తున్నాడు. ఈ చిత్రంలో మోహ‌న్‌లాల్ సిక్కు పోలీసాఫీస‌ర్‌గా న‌టిస్తున్నాడు. తాజాగా మూవీ ల‌వ‌ర్స్, అభిమానుల‌ కోసం వీడియో సాంగ్ అప్‌డేట్ ఇచ్చాడు మోహ‌న్ లాల్‌.

మాన్‌స్ట‌ర్ (monster)వీడియో సాంగ్ అక్టోబ‌ర్ 15న సాయంత్రం 6 గంట‌ల‌కు విడుద‌ల చేస్తున్నామ‌ని తెలియజేస్తూ ట్వీట్ చేశాడు. ఈ ట్వీట్ ఇపుడు నెట్టింట్లో వైర‌ల్ అవుతోంది. మోహ‌న్ లాల్ ప్ర‌స్తుతం బ్యాక్ టు బ్యాక్ సినిమాల‌తో ఫుల్ బిజీగా ఉన్నాడు. నెట్ ఫ్లిక్స్ సిరీస్‌తోపాటు మ‌రో ఎనిమిది సినిమాలు మోహ‌న్ లాల్ ఖాతాలో ఉన్నాయి. బ్లాక్ బ‌స్ట‌ర్ హిట్‌గా నిలిచిన లూసిఫ‌ర్ చిత్రానికి సీక్వెల్ లూసిఫ‌ర్ 2 కూడా ఈ జాబితాలో ఉంది. ఈ చిత్రం ప్ర‌స్తుతం ప్రీ ప్రొడ‌క్ష‌న్ ద‌శ‌లో ఉంది.

పులి మురుగ‌న్ సినిమా త‌ర్వాత‌ మోహ‌న్‌లాల్ ద‌ర్శ‌కుడు వైశాఖ్ టీంతో రెండోసారి జాయిన్ అయ్యాడు . మాన్ స్ట‌ర్ చిత్రాన్ని ఆశిర్వాద్ సినిమాస్ బ్యాన‌ర్‌పై ఆంటోనీ పెరంబ‌వూర్ నిర్మిస్తున్నారు. ఇప్ప‌టికే మోహ‌న్ లాల్ షేర్ చేసుకున్న మాన్‌స్ట‌ర్‌ టైటిల్‌, ఫ‌స్ట్ లుక్ పోస్ట‌ర్‌కు మంచి రెస్పాన్స్ వ‌చ్చింది.