దృశ్యం-3 వస్తున్నది..

మోహన్‌లాల్‌ ‘దృశ్యం’ ఫ్రాంచైజీలో వచ్చిన రెండు సినిమాలూ మంచి విజయాలను సాధించిన విషయం తెలిసిందే. ముఖ్యంగా 2013లో వచ్చిన ‘దృశ్యం’ తొలి పార్ట్‌ అయితే.. ఇతర భాషల్లోనూ రీమేక్‌ అయి, రీమేక్‌ అయిన ప్రతి భాషలోనూ విజయాన్ని అందుకుంది. త్వరలో ఈ ఫ్రాంచైజీ నుంచి మూడో సినిమా రానుంది.

మోహన్‌లాల్‌ ‘దృశ్యం’ ఫ్రాంచైజీలో వచ్చిన రెండు సినిమాలూ మంచి విజయాలను సాధించిన విషయం తెలిసిందే. ముఖ్యంగా 2013లో వచ్చిన ‘దృశ్యం’ తొలి పార్ట్‌ అయితే.. ఇతర భాషల్లోనూ రీమేక్‌ అయి, రీమేక్‌ అయిన ప్రతి భాషలోనూ విజయాన్ని అందుకుంది. త్వరలో ఈ ఫ్రాంచైజీ నుంచి మూడో సినిమా రానుంది. తొలి రెండు భాగాలను మించిన క్రైమ్‌ థ్రిల్లర్‌గా దర్శకుడు జీతూ జోసెఫ్‌ ఈ ‘దృశ్యం3’ స్క్రిప్ట్‌ని సిద్ధం చేశారని సమాచారం. ‘దృశ్యం’ కథను కొనసాగిస్తూ మూడో భాగం కూడా ఉంటుందని దర్శకుడు గతంలోనే చెప్పాడు.

చెప్పిన మాట ప్రకారం మూడేళ్ల విరామం తర్వాత ‘దృశ్యం3’ స్క్రిప్ట్‌ని సిద్ధం చేశారు జీతూ జోసెఫ్‌. దీంతో హీరో మోహన్‌లాల్‌ ఈ విషయాన్ని ధృఢ పరుస్తూ ‘గతం ఎప్పటికీ నిశ్శబ్దంగా ఉండదు.. ‘దృశ్యం-3’ రాబోతోంది..’ అని పోస్ట్‌ చేశారు. ఈ సందర్భంగా దర్శకుడు జీతూ జోసెఫ్‌, నిర్మాత ఆంటోని పెరుంబరవూర్‌లతో కలిసి ఆయన దిగిన ఫొటోని కూడా పంచుకున్నారు.